بِسْم الله أبدأ
::
::
يالهبوب اللي مع البرد هبّيتي صٓلٓف
والله إن عندي ملامه وفي قلبي عتاب

كل ما داويت جرحي من العلّه نزف
وكل ما سدّيت باب ٍ فتح عشرين باب

لي ثلاث ايام ما غض لي فيها طرٓف
لا هنا لي عيشه ولا تهنّيت ب شراب

اتعذّر بالقصايد ولي قصد و هدف
و العوارف تفهم القصد من خط الكتاب

زلة ٍ تاتي من اجناب ما منها كلٓف
ما علي منها ذهاباً ولا عند الإياب

لكن اللي يجرح القلب و يسبب تلٓف
زلة الاقراب ربعي عزيزين الجناب

ودّي اوصّف و لكن شي ما ينوصف
طعنةٍ في الكبد كنها مشاويك الحراب

القطيعه تطرحك من مهف إلى مهٓف
و المواصل مثل سقيا المطر حلوٍ عذاب

من يساوي تمر هجر المنقّى ب الحشٓف
مثل ورّاد السريّه على ضوح السراب

و الحرار الصايده ما تدوّر للعلف
تذبح ب حدّ المخاليب يا بوم الخراب

حن هل الطالات واهل المعالي و الشرف
نكرم الضيفان و نسدّ في يوم النشاب

والجدود معرّبه والسلف ورّث خلٓف
ما تبور المعرفه في المشيب و في الشباب

كلها شرهه من اللي زمانه مختلف
للرجال اللي تعرف الخطايا من الصواب

وإلا ما نبغي مروفه ولا نبغي سلٓف
لو يدور الحول وإلا كمل حد النصاب

والهبوب اللي علينا هبايبها صلٓف
تقبل بيوتي و تصبر على كثر العتاب


قلم/ فهد البدر

ساعد في نشر والارتقاء بنا عبر مشاركة رأيك في الفيس بوك

صح لسانك اخوي فهد
تحيتي ومودتي

المشاركة الأصلية كتبت بواسطة عمر المختار

صح لسانك اخوي فهد
تحيتي ومودتي

صح بدنك ياخوي
اشكر لك مرورك

تحياتي

الله الله الله
رائعة من رائع
صحت روحك وحياتك ودنياك
فقد كانت للتميز عنوان








تحيتي ومودتي وتقديري

صح السانك اخوي فهد ولا هنت يالسنافي
جزله من راس جزل

احترامي وتقديري

المهيدات

تستحق التميز

ابدعت وامتعت

سجل اعجاابي

محمد

كُنت أكثرْ مِنْ رَائِع مازالَ نَجمُك يسَطَعْ في اركَان المكَانْ وهُنا أَدهشَنا ..!! لروحك وقلبك السعِاده وأكثرْ~ وفقَك الله

إبداع تعدى الحدود ماشاء الله

صح لسانك ترليون ولايسدون يامبدع وتستاهل التميز

رائعه
سلمت يداك من كل سوء