..
قصيده متواضعه من ارشيفي واتمنى انها تحوز على اعجابكم .
.

ابوي علمني مواثيق الابطال=درس حفظته من سنين الطفوله
ابويه اللي للمواجيب مدهال=حرن تنومس بالمواقف فعوله
قمة شموخي فوق غايات الانذال=في مرقبً ياصعب والله وصوله
انثى ؟ولكني عن الفين رجال=شعري بطوله والمواقف بطوله
انا على مبداه لو الدهر مال=اخت الوفا شيخة بنات الحموله
بنت الرجال اللي لهم قدر واجلال=تاريخهم بالمجد في كل دوله
أفعال ماتثبت لنا كل الاقوال=ماهي مثل مبدى عسفني مثوله
اصدق حروفي تنتقل عبرالاجيال=قمة فخر مضمونها من يطوله
شفني زبنت الشعر من ضيقة البال=وحال المعاني يشتكي من نحوله
ضيم وقهر يستعذب الدمع لا سال=وهاجس حروفي يستثيرك هموله
للشعر غايه مابها شك واجدال=وكلن على مبداه حــدد ميوله
والناقص اللي للردى مضرب امثال=مهو كفو للمرجله والبطوله
طبع الردي مايفعل الطيب لو قال=دايم على المنقود يشعب ذلوله
ضايع ويتبع جرة القيل والقال=ضعيف نفس وكل هرجً يقوله
لو يدعي با الطيب في كل الاحوال=من يفقد الاحساس مابه رجوله
المرجله ماهي ترى ميلة عقال=مضمونها ماكل شخصً ينوله
المرجله طيب ومواجيب وافعال=والفعل تلقى شاهده قبل قوله
ومن دون كلمة تمسك لسان رجال=وشلون لو تمسك بعلمً تقوله
.

ساعد في نشر والارتقاء بنا عبر مشاركة رأيك في الفيس بوك

رااااائعه من راااااائعه والنعم فيك أنثى ولكن عن ألفين رجاااااال لشخصك وبوحك الراقي من الاعماق احترام جم ومن الاعجاب ماللحرف يلجم ذكرى الغالي

المشاركة الأصلية كتبت بواسطة ذكرى الغالي

ذكرى الغالي .
كل ما املكه هو قليل امام كيان ثري ومنبع للاحاسيس كشخصك الانيق
اشكرك على الكلمات الجميله وربي لا يحرمنا من تواجدك الدائم
دمتي بود

الاخت الغالية والشاعرة الراقية
القديرة شبيه اللول
شكرا لك على القصيدة المعبرة والجميلة
ابيات تحمل بين كلماتها وحروفها كل العز
حفظك الله ورعاك دام خاطرك والقلم ودمت بخير يا غالية
مشكورة

صح لسانك ونعم بك وبلابتك

نص عذب كأنتي

اهلا وسهلا بك حياك الله غاليتي
والنعم فيك وبلابتك
نص من الطراز الفاخر
رائع جداً
أصفق لك بحراره
صح لسانك ملايين ولايكفون
وتسلم يمينك من النار
ولاهانت يسارك دمت بخير لاينتهي..

صح السانك والنعم منك ومن اصلك الطيب

ودي واحترامي وتقديري

المهيدات

الشاعرة القديرة شبيهة اللول

صح لسانك وبيض الله وجهك على هذا الجمال
الف لاهنتِ وسلم عمرك مدد بلا عدد

احترامي وتقديري

الله الله


من اجمل ماقرأت هذا اليوم

صح لسانك ونعم بأبوك وبلابتك والله يديمه لك ذخر يالشاعره

الشاعرة القديرة شبيهة اللول

صح لسانك كفو نعم بك ونعم بأبوك

دمتِ متميزة
كنت هنا ومضيت