السلام عليكم ورحمة الله وبركاته

دعوة مزاين شمر واللجنة المنظمة لتكريم شعراء استحقو التكريم من شمر بمناسبة قصيدة لي سابقة بشمر مضى عليها عامين كان شرف لي ان استلم درع لهذا الوفاء من الشيخ جديع اللغيصم
وهذا ان دل دل على وفاء شمر والوفاء ماهو غريب على اهل الجبل ويشهد الله ان محبة قبيلة شمر لايوفي حقها حرفي وشعري -ومابه قصور بالقبايل الاخرى كلهم على راسي

- حقٍ علي رد الوفاء لأهل الوفاء قدح الفتيل--اليا قبس بارودها صيد الجزل منوالها

البارحة يوم العرب نومى على النومه تميل=وانا آخايل للنجوم اللي تمايل حالها
تخالف ابداع الشعر بين الجزاله والهزيل=اللي يجيب النادرة واللي على موالها
الخيل من خيّالها والشعر ذوقٍ للجزيل=والشعر من شعّارها والخيل من خيّالها
لي مهرةٍ مهرة شعر تخبط على الوزن الثقيل=صهيلها جزل الشعر ماتعترف بهزالها
اليا اخبطت بأرض الشعر دك الحوافر ماتزيل= لو زلت انا عن دنيتي صعبٍ تزيل افعالها
من بقعاء جيت املبيٍ دعوة زحازيحٍ تشيل=رد الوفاء من سلمها سلم الوفاء يزهالها
بمزاين شمر لإبلها والله لاجيب المستحيل=مادامني قدم الرجال لي الشرف باقبالها
انتم صناديد الرجال انتم هل السيف الصقيل=اقولها من قلبي اللي صادقٍ لاقالها
انتم مثال اهل الكرم مثل القمر ماله مثيل=يفرق عن انجوم السماء مضرب مثل لأمثالها
شمّر خذت تاج الكرم غصبٍ على خشم البخيل=يشهد لكم تاريخكم في دقّها واجلالها
شمّر مواريث الوفاء شمّر شفاء روح العليل=اللي تعلّه دنيته شمّر سعد من جالها
شمّر لاثارت للوغى عدوهم يمسي قتيل=متكاتفين اليا طنوا متعاونين ابطالها
طبع الطنايا لاطنو - وادي على كبره يسيل=من ياقف ابوجهه جرف روس الرجال وشالها
وساع الطعون اليا اطعنو دخيلهم ماهو ذليل=كبار الصحون اليا اكرموا ماحسّبو لأموالها
الشمري عز الخوي وقت المراجل مايميل=بيئة شموخه من جبل مثل الجبال ارجالها
وانا عتيبي ارتقي بالمعنى والعقل النبيل=من لابةٍ منزالها فوق الجدي منزالها
ومامن قصورٍ بالقبايل لا ولافيهم قليل= واليا مدحت امدح كفو شمر كفو فنجالها
حقٍ علي رد الوفاء لأهل الوفاء قدح الفتيل=اليا قبس بارودها صيد الجزل منوالها
الله عطى والله خذا والله وهب والله جليل= والله يبيض وجهنا قدم الفحول ارجالها

مع خالص تحياتي واحترامي للجميع

اخوكم

يوسف العبيد العتيبي
ساعد في نشر والارتقاء بنا عبر مشاركة رأيك في الفيس بوك

اهلا وسهلا بك حياك الله
الله الله الله على هذه الرائعه
سرني معانقتها
صح لسانك مليار ولايكفون
وتسلم يمينك من النار
ولاهانت يسارك دمت بخير لاينتهي

الشاعر / يوسف العتيبي

صح لسانك ولاهنت

وسلم المادح والممدوح

العنود الشمري


البقاء وياهلابك اكثر

والروعه ممرورك الطيب

شاكر لك لاعدمتك

تحيتي وتقديري

ظلال


ياهلا ومرحبابك

وصح بدنك

شاكر لك لاعدمتك

تحيتي وتقديري

قصيدة جزلة من جزالة صاحبها
صح لسانك واعتلى شانك ~
دمت نابضا بالعطاء ..*

أبدعت يالقرم و أمتعت
صح لسانك و علا شأنك
وفقك الله
و رعاك
و متعنا بكل جديك
و أبقاك


تقديري و زاكي تحاياي

يوسف العتيبي

والنعم بالمادح والممدوح
كفو ماقصرت يالذيب وافي
وصح السانك وسلم بنانك
ابيات جزله من راس جزل
لاعدمناك ولا عدمنا جديدك

تحيييييياتي

يوسف العتيبي

والنعم بالمادح والممدوح
كفو ماقصرت يالذيب وافي
وصح السانك وسلم بنانك
ابيات جزله من راس جزل
لاعدمناك ولا عدمنا جديدك

تحيييييياتي

هلا ورحب عتيبة الهيلا
صح السانك اخوي يوسف العبيد ولا هنت
جزله من راس جزل

ودي واحترامي وتقديري

المهيدات