بسم الله أبدأ
::
::
أنا لي ثلاث ايام ما ذقت طعم النوم =عسى الله يرحم حال من زادت احزانه

اعالج هموم الناس وأمسيت انا مهموم =و حظي المعاند صك قفله و بيبانه !!

ترى مذبح الرجال بالخنجر المسموم=إصابة غدر ما بين قلبه و ضلعانه !

خصوصاً من اللي بالحلا جنسها معدوم=غنوج ٍ حكيها عذب و العين فتّانه !!!

ولا ودّي اكثر بيوت العذل و اللوم =وكثر الشكاوي مالها عندهم خانه

سلامي على اللي حط بالقلب عشر ثلوم=سبب علتي و دواي في داعج أعيانه

مواعيده اللي طولت قبل شهر الصوم =وهالحين زلّ القيظ ما شفت عنوانه !!!

وانا صابر ٍ صبر الجمل والزعل مكظوم=تحمّلت مشروه الخبالين من شانه

اعد الدقايق والثواني و يوم بيوم =لكن الليالي لو وفت يوم خوّانه !!

انا في لجوج الحب ما عاد اعرف العوم=طبع محملي واندار دقله و سكّانه

ولا شك هذي علتي و الهوى مقسوم =من الله عظيم الشان والعرش سبحانه


قلم/فهد البدر

ساعد في نشر والارتقاء بنا عبر مشاركة رأيك في الفيس بوك

ولا شك هذي علتي و الهوى مقسوم
من الله عظيم الشان والعرش سبحانه




إبدااااع ماخطته يداك
صح لسانك مليوون

المشاركة الأصلية كتبت بواسطة ذكرى الغالي

ولا شك هذي علتي و الهوى مقسوم
من الله عظيم الشان والعرش سبحانه




إبدااااع ماخطته يداك
صح لسانك مليوون

سيدتي ذكرى
وجودك في متصفحي
له معنى في الوجدان كبير
وله وقع على القلب عظيم

كل ودي

الله الله عليك

اشبعت ذاائقتنا الشعريه

ابدعت وامتعت

سجل اعجابي

محمد

ما شاء الله ابداع

جميل جدا

مشاعرك سلسه وتلامس الروح
ماشاءالله تبارك الرحمن

صح لسانك ملايين

ولايكفون
وتسلم ايدينك

دمت بخير لاينتهي