افتحي شبابيك الهوى جيتك اليوم&& بأحساس من زود الغلا وده يطير جيتك مثل طفل(ن) له ايام محروم&& عن حضن امه ابعدته المقادير وجيتك مثل عود(ن) له ايام مهموم&&وده يلاقي باخر العمر تقدير جيتك حضن عاشق وهايم ومغروم&&وده يضمك لين تصبح على خير متى تحس ان الهوى شيء مقسوم && من قسمة الخالق على خلقه يصير متى تحس اني لك اطيح واقوم&& واتعب عشانك واقدرك واغير لي في هواك احلام وامال وعلوم&& واحزان واصحاب وقصيد وجماهير وهموم وافكار وهواجيس وحلوم &&ودروب واخطار وعذاب ومشاوير وحب وغلا واخلاص ومعاند ولوم&&واحساس والهام وشعور وتفاكير وصحبة سهر ومقاطعة لذةالنوم&&واشواق جياشه وعشق وتعابير في ذمتك مابان لك شيء مكتوم && من بعد ماصورت لك الاوضاع تصوير لاتحسبي انك شيء عابر ومعدوم&& وتاريخ حبك فاق كل الاساطير في كل شيء اتخيلك واسمع دوم&& واتاملك في الوقت الاول والاخير من ماضي الايام الى يومك اليوم&&وغلاك عندي ماحصل فيه تغيير وانا لك الله ماقبل البيع واللوم &&ولا ارضا علي وعليك المخاسير لأني الوحيد اللي على بحرك يعوم&&واللي عرف مرساه في رحلة السير لحظه حبيبي قبل يسبقني النوم&& بضم صدرك لين تصبح على خير

مما لامس المشاعر وأيقضها من غفوتها
اتمنى ان تروق لكم

ساعد في نشر والارتقاء بنا عبر مشاركة رأيك في الفيس بوك

كلمات وأختيار وذوق ولاأروع

يسلملي احساسك وذوقك يالغلا

ودي لك

رائعه يالعنود
وذوقك اروع
صح قلبك وكلك ولاهنتى
ولسان شاعرها

تقديرى

الشاعرة القديرة / العنود الشمرية
الله الله عليك
اختيار وانتقاء رائع
يعطيك الف عافية
تقبلي مرور ي
كنت هنا ومضيت

راااقت لي اكثير الحقيقة هذه القصيدة

كنت أتمنى أعرف من شاعرها

العنود رااايع أختيارك ياراااقية

القديره العنود .....
راق لي ماراق لك
اختيار غايه في الروعه
سلمتِ يالغاليه
وسلم ذوقك واختيارك
ودي ووردي قبل ردي
...
...
ايمااان حمد

سلمت يداك
تقديري واحترامي لشخصك
وطرحك الراقي
ذكرى الغالي