حيا الله اللي لفا ياحي هالطاري
في هجعة الناس فز القلب من نومه

هيض مشاعر وحرك شوق واشعاري
واحيا الامل لو تعجز النفس ماترومه

لو كان هالكار ماهو يالغلا كاري
من اجل عينيك اغوص البحر واعومه

واسابق الشوق بعض احيان واجاري
مشاعر من حنان الود مفطومه

الضيق في ليلتي يمرني ساري
ويغادر الصبح بس النفس مهمومة

العيد لاحت تباشيره وانا داري
ان الاوادم تباشر لا ابتدا يومه

والعيد هل وشوقي مشعلن ناري
ومن يقرب النار يمكن تحرق هدومه

وانا في سوق المحبة بايع وشاري
اشري وصالك بغالي الروح و اسومه

فهد البدر

ساعد في نشر والارتقاء بنا عبر مشاركة رأيك في الفيس بوك

حي الله بدر
وصح السانك لين ترضى يالسنافي
جزله من رأس جزل

رعاك الله

المهيدات

يصح الله لسانك ويعلي شأنك