بسم الله أبدأ
::
::
انا ابشرك تبنا من الغي واهل الغي
ولا عاد ادوّر منهج الغي و دروبه

تعبنا و حر الشمس لابد عقبه في
و رايات مكسوبه و رايات مسلوبه

انا عقب بعض الناس لا ميت ولاني حي
و نفسي على جور المقفين مصلوبه

ادفلج مع العالم تقل ناسي ٍ لي شي
و كبدي عليها جمرة الحزن مشبوبه

اي والله حزين وكل مالي وحالي سي
و راسي تناصف شيب ما ناش مطلوبه

دياجي الليالي السود عيّت تورّث ضي
على الساهر المسكين ماهيب محسوبه

نطوّيك يا ذكرى ولا فاد كثر الطي
مدام انها في القلب حيّه و مكتوبه

فهد

ساعد في نشر والارتقاء بنا عبر مشاركة رأيك في الفيس بوك

صح السانك اخوي فهد ولا هنت
جزله من رأس جزل

احترامي وتقديري
المهيدات

ابدعت صح الله روحك وحياتك ودنياك