كفكف دموعك واترك الفجر هادي=ماتت عصافير الغلا لأجل الاغراب
لكن سؤال ان كان ماهو بعادي=فرقاي عن عينك لو الدمع سكَّاب
اجلس وفكر يوم انا اجيك شادي=احباب وش تعني إذا قالوا احباب ؟
الله يسامح دمعتك يامرادي=طاحت وفا لكن !! بعد فاس حطاب

الله يسامـح دمعتـك يـامـرادي=طاحت وفا لكن !! بعد فاس حطاب
ياليتها طاحت علي يوم انادي=وانا مابين النار والغار والداب
ماكان خليتك مع الهم غادي=ولاسهرْتَكْ لين ماناظري شاب
لو طاح قدرك من هذاك التمادي=لك في محط الذاكره طيف ماغاب

^
^
صح لسانك يامبدع >> ياكثر مالطشت منك ( مع حفظ الحقوق الإدبيه طبعااا ) .. حللني



برد الجفا ياوليف البعد سراق
................... ضميت بغيابك هبايب نسيمه

ناديتلك يافلان لوح لي براق
................. وتبسمت فـ عيني دمعه عظيمه


النجلا

بحل وسموحه ومن دون حقوق النقل بعد

مافي الا حلالك يالنجلا

احترامي ياقديره..

دنيا غريبة وكل ما فيها غريب
تجمع وتفرق ما بين الاحباب

البارحة جارحا قلبي وخليته=يمسي على جرحك الاول مع الثاني

تقـول العـرب نسل الكحيله يجيب حصان=وانا من زمن كفي مـن العُـرْبْ مغسوله
زمان وغـدى فيـه الرويبض حكيم لسان=يصلي الضحى والليل يرقص على طبوله
توهـم يظـن انه خـذى الـوزن والـوزَّان=عقيـم ..وْ وضيـع..الفـكر وايديـه مشلـوله
توهم ولا يدري عن العـرش والسلطان=بكـف الـذي...هو تاج...عبده...ومرسوله

جرح على جرح تزيد الجروحِ
وصد على صد يولد صدودي

هالشموخ اللي تسمينه شموخ=عبرة ٍ في وسط جوفك حايمه
والرضوخ اللي تظنينه رضوخ=غيمة احساس ولفت لك غايمه
والرسوخ ان كان تبغين الرسوخ=حسرة الخافق ونفس ٍ شايمه
يوم كنتي بس يابنـت الشيـوخ=زهرة ٍ فـي قلـب خلِّـك نايمه
مهدوا لك أول دروب المسوخ=وطيروا باسـم النقـا حمايمـه
وألبسوك مْن الغلا بالكذب جوخ=والنوايـا فـي رداهـا عايمـه
لين حوَّل ساكن الجـوزا بكـوخ=بين بيَّـاع الضميـر وسايمـه
خطوة ٍ تاقف وعشره بك تنوخ=في وحل سود الوجيه الهايمه
كنت اباانسى مامضى لكن تفوخ=دمعة ٍ بين المحاني دايمه
لوملكتي عزة النفس البزوخ!!=ماقربتي للعدود الضايمه!!

على ان نراكم بخير وصحة وعافية جميعًا

ان كان بالعمر بقية ..

يا دمعة هلت من الموق وطاحت
على وليف زود الهم بجراحه