من الإرشيف
وهي من محاولاتي الأولى
أتمنى تحوز رضاكم وتليق بذائقتكم
مع أرقّ و أجمل تحيَّه


بسم ربي بديت مسبِّح ٍ له شكَرْت
داعي ٍ يطلب الغفران من ذنبه
ماسرت بي خطاوي الجود لك وانتثرت
صاحبي جيتك بـ همٍّ علي قاضي


ليت نور القمر شي ٍ عزيز افتكرت
يعشب القلب ما يرهن و يرهن به
في مدى العشق غَيِّبني لو آنا حَضَرت
و اشعل الروح ما دامك بها حاضي


يا سلامي رفيق ٍ دون همِّي خطرت
يوصلك من فؤاد ٍ يحسبك جنبه
وانت غايب اقهويك بقصيدٍ بَهَرت
خامست كفَّه لقلبك عقب جاضي


هو رقيب ٍ على نجم ٍ رقبته و سَهَرْت
لا سهيل اخَّرَه .. لا الجدي قَدَّم به
ملكه براس مرجوم الأماني عَمَرت
من زمان بـ سراير قلبي اللاظي


جيت لك و الضمير معاتبي . و اختصرت
بعض ما في الفؤاد و ما يعتِّم به
شح نور الظلام ! و جَرَّده و استخرت
شفت رؤيا بها الملبوس فضفاضي


جبت لك من دهاليزه بعد ما استشرت
همّ يستاق همّ بـ همّ درهم به
فيه عن درب مظنوني رجول ٍ قصَرت
وفيه من صدق خِلَّآني شذا الفاظي


عطرهم شعشع المخ و غمرني و غمرت
كل صفحه بكل احساس مغرم به
بين ما يجبرك بوحك و ما له سَرَرت
مثلما بين جزر و مد لك فاضي


قلب يشكي عيون بـ سِرَّهَا مَا جَهَرْت
يومها قلبه المخلوق من جنبه
غَمَّضَت .. أُنزِلَتْ من جنّة اللي خَبَرت
و اصبحت جَنِّةٍ لِـ قفـار و فياضي


شد حبل النظر في بيتي ليا نظَرت
لو يعنِّي الوتد تيزاره و طنبه
خلَّك مْباري ٍ ظل الوهم لا سبرت
القمر في حُضُن غيمته متغاضي


ذاك طيري وانا من يوم حَدَّر صقَرت
و احتويته و متن الليل يوهن به
جيته اتشفَّع بقلب ٍ لعمره نذرت
قال خَلّ الطواف بكعبة الماضي


قلت له من خمر ذاك الكرز ما سِكَرْت
قال جفَّت عروقه وصرت مجتنبه
آه ياليتني بذاك الزمان اعتذرت
كان ما ضاعت اعوامي على الفاضي


قلت له كيف تتعبَّث بمن قد سحرت
كيف تضرب في هـ المَيِّت و تُأثَم به
قال كثر الغلا اللي صابني و انقهرت
بـ اجعله عِبرَه فـ بحري لمن خاضي


قلت قبل الغرق خذ مني اللي انتظرت
كلمة الحق لو يُبهَم و نُتهَم به
في ذراها خذ المقسوم و ان ما حَذَرت
خلك بما يجي من دونها راضي


ليتني عن زواميل السلا ما ازدجرت
يوم غَنَّوا حبمبه وَلِّع اللمبه
قالوا اصبر وقلت العمر كلَّه صبَرْت
أبـ اجحد الكل لو كل الملا قاضي
ساعد في نشر والارتقاء بنا عبر مشاركة رأيك في الفيس بوك

ابدعت وامتعت

حضوور رائع

سحل اعجابي

يسلمك ربي اخوي محمد
لك فائق ودّي وتقديري و احترامي

السلام عليكم ورحمة الله وبركاته
صح لسانك واعتلا شانك
مبدع حتى في بداياتك
لا عدمتك

ياهلا و الله وغلا بعمدة الشعر كله
صح بدنك و سلمك ربي اخوي الغالي
دمت بكل خير و محبه
لك فائق ودّي و جل تقديري و احترامي

مبدع في جميع حالاتك
صح عمرك وحياتك ودنياك















تقديري ومودتي وتحاياي

صح لسانك اخوي عبدالله
مبدع ما شاء الله
ننتظرك وجديدك
تحيتي و مودتي

صح بدنكم و سلمكم ربي

و دمتم بكل خير و محبه

لكم ودي و تقديري و احترامي