ماشاء الله ياخوي زيد


شاعر من ظهر شاعر


يعطيكم الف عافية



ودام لنا هذا التالق

مودتي

اخوكم
علي الحزمي

المشاركة الأصلية كتبت بواسطة زيد العتــيبي

قصيده مرسوله من ابوي الشاعر عبدالله بخيت العتيبي لي / زيــد العتيبي

مع الـــــــرد

يازيد جنب عن خبوش الرياجيل=والله ماتلقى وراهم فيادة
‍
إن جوك مرخين النظر للمعاميل=بين نظرهم مثل عين الجرادة ‍

ماغير فيك يدورون المداخيل=وليا لقو حاجة خذوها جوادة ‍

لو لاحظو خلتك بادنى المكاييل=لاقدر الله طوروها زيادة ‍

ضحكوا عليك وزادو الصوت بالحيل=هذي عوايدهم على كل عادة ‍

وإن رحت معهم في دروب ومداهيل=عالو عليك وحملوك النقادة ‍

عند الرجال أهل الحكم والتماثيل=واصبحت للراس المصدع وســـادة ‍

فكر بعقلك وش تبى تحط وتشيل=من حمل غيرك ياعريب السنادة ‍

ارفع مكانك فوق عن محدر السيل=ترقد بعيد عن القلق والجلادة ‍

واعلم ترى الدنيا دروس وتحاليل=ركز وتابعها بعقل وركادة ‍

واختار من يصبر على العدل والميل=كسب الوفاء والطيب غاية مرادة ‍

رجل تشوفه للمهمات حلحيل=وقت الشدايد ما يزعزع شدادة ‍

في صاحبه مايسمع القال والقيل=ولايستمع لأهل الوشى والرفادة ‍

هذا الخوي اللي علومه مشاكيل=اللي على الله وجهته واعتمادة ‍

خاوه وتكسب منه مايرفع الحيل=تصبح على كيفك تدير الرشادة ‍

واعلم ترا اهل مصر عاشو من النيل=والنيل نافعهم ونافع بلادة ‍

الـــــرد

خطن لفاني بالوفا وافي الكيل ‍=جاب المثل فابيات شعره وجاده

كمل بيوت الشعر بالنصح تكميل=حتى حصان الشعر بالشعر قادة

يابوي انا ماني من احد الجهاهيل=اعرف سهول الوقت واعرف شداده ‍

وامشي مع اللي يضبط البن والهيل=اللي ملك من طيب فعله شهاده ‍

اللي نزل يابوي روس المنازيل=لاهبت الهبان ثابت وتاده ‍

يرسي ولو دنياه تظلم كما الليل=يرسي ولو يجلب لعمره قراده ‍

لأجل الخوي يفزع ولو روحه تزيل=وانا خويه فالشقى والسعاده ‍

واللا الردي ماله علينا تجاميل=ماهو خوي لي ولامنه فاده ‍

ماله حساب وحسبته مع مهابيل=وان شب ناره في ثواني رماده ‍

حنا ترانا في زمان التهاويل=وقتن شقى الخبلان شربه وزاده ‍

كثرو وصارو مع بعضهم تواصيل=كلن تبع درب المخاوي وساده ‍

إن مالقيت ممثل الطيب تمثيل=واللا بلا خوه تجيب النقاده ‍

وسلامتكم

زيــد العتــيبي

الشاعر الغالي:: زيد العتيبي صح لسان الوالد الله يحفظه صح بوح وكلك

صح لسان الوالد اطال الله عمره وصح لسانك وتكفى يازيد تكفى الله الله في طاعته وبره ترى الوالد بالذات مدرسه وحياه ومعلم لايمكن ان تجد من يسد مكانه تقبل فائق تقديري

الله يعافيك اخوي علي الحزمي واشكرك على مروورك يالغلا


وصح بدنك اخوي عاشق والله يعطيك العافيه على مانصحت ولاتوصي حريص


لكم ودي واحترااااامي

.♠.♦.♠.
♣

الْقَدِيرْ:
"..زيد العتيبي.."
جَمِيلْ وَأَكْثَرْ صَحْ كُلَّكْ يَآحُبْ
وِدِّيْ وَتَقْدِيرِيْ...
!
شكرا لابداعك

اخوي عبدالله صح الله بدنك

واسعدني تواجدك

لاعدمته

صح السانك اخوي وصح السان والدك الله يخليه لك

لا هنتم على هالشعر الجزل

تقبل مروري

صح بدنك يالغلا

واشكرك على مرووورك لاعدمتــهـ

يشرفني المرور بهذا الباسقه
سلمت يداك التي صاغت هذه الرائعه
صح لسانك مليون ولايسدون
تقديري واحترامي
لشخصك وبوحك الراقي
ذكرى الغالي