تعال أضمك وألتوي فيك بالحيـل = أطفي ضماي اللي ذبحني وأزيله

كم جيت لك وأقفيت مامن محاصيل = وسئلت نفسي يارُجل وش تجيله

ذي حالتي بين الحذر والمواصيـل = بين الرجا والرغبه المستحيله

لولاك مالمحـت لـي بالمداخيـل = سكـت بجـروح الكلام الثقيله

عذبتنـي يـوم الليالـي تساهيـل = وحنيت لي يـوم الليالي بخيله

حنيت لي لكن بعد هـدت الحيـل = ضيعت مّنا أوقات كانت جميله

عزفت لك صمتي قصيد ومواويـل = وهمك قبل لا يشيلني قلت أشيله

مفتون بك مابي للاسبـاب تعليـل = هواك لي غايه وشوفك وسيلـه

لو جاد حظي يالرموش المضاليل = لقيت في قربك ظـلال وخميلـه

دامك وفيّ يبقى الوفا لاظلم الليـل = قمراء لحالات الغياب الطويلـه

لك مني أزهّد بالونـس والتعاليـل = وأجنح لنوبات الغـرام الجزيلـه

منساك أبد لو ذقت من حبك الويل = يكفي لو أنه بس ذكرى جميلـه

.

.

ساعد في نشر والارتقاء بنا عبر مشاركة رأيك في الفيس بوك

مصافحة أولية لهذة القصيدة المترفة بالجمال

أبيات راااائعة جداً

صح لسانك

وسلمت أناملك


ودام نبض القلب ومداد القلم


تقديري

صح لسانك أخي منصور

وأدام الله لك نبض قلمك

دمت بخير ..

ﻣﻨﺴﺎﻙ ﺃﺑﺪ ﻟﻮ ﺫﻗﺖ ﻣﻦ ﺣﺒﻚ ﺍﻟﻮﻳﻞ
ﻳﻜﻔﻲ ﻟﻮ ﺃﻧﻪ ﺑﺲ ﺫﻛﺮﻯ ﺟﻤﻴﻠـﻪ

القدير/منصور الرويلي
لا جديد غير الابداع
ابيات جزلة من شاعر جزل
فصح الله وعلا شانك
يعطيك الف عافيه
تقديري
ودعواتي

نص راقي كرقيك شاعرنا
صح لسانك و علا شأنك
وفقك الله
و رعاك
و أبقاك



فيض تقديري و زاكي تحاياي

شاكره لك لاتحافنا بهذه الشمخه
صح فكرك ومنطوقك

سلمت يمنآك
دمت بخير لاينتهي

سجل اعجابي يامنصور

بماخط قلمك من ابداع

وائعه بكل المقاييس

دائما متميز

سلسله عذبه تدخل القلب بدون اسئذان

محمد

نص رائع
صح لسانك و علا شأنك



تحيتي
بنت الشيوخ