..

.

يا عين ما هليتي دموعك........ وانا احبابي جلو
وش فيك ما غرقتي..... الاحباب بدموع الحنين

.

ان كان عزة نفس....... ياعين الشقا هذا ...غلو
وان كان باقي لك..... امل ياعين ما هم راجعين

.

مير انثري دمعك ترى.... الاشواق تصلاني صلو
وابكي على الاحباب. طول العمر كانك تقدرين

.

ياليتهم يوم الموادع ...........ريعو ما استعجلو
لحظات حزن ٍ ....خالدة تفرق سنين من سنين

.

شالوا على ظهر الجفا ......كل الاماني ورحلو
وخلو سيوف الياس تطعن مهجتي في كل حين

.

الله يسامحهم مشو......... هاك النهار وهملو
قلب ٍ ربوه وغيرهم .....ماله حبيب ولا ضنين

.

احيو ليال الصمت...... في كل المكان وزلزلو
اركان قلبي بالفراق......... وبالجراح وبالانين

.

اخلو ديار العشق....... بالهجران لكن ما خلو
من ذنب قلب ٍ.... بالخلا خلوه واقفو راحلين

.

ياما طواه الشوق....... كان ابطو عليه وطولو
وياما تهاوى وانكسر ..لا غاب عنهم ساعتين

.

وياما تراقص وانتشى.. لا شاف الاحباب اقبلو
وياما لقاهم فوق .....نار الشوق قبله جالسين

.

ويا كثر ما هلت ....مخايلهم بصدري واسبلو
لين ازهرت جرد الحنايا ..من يسار ومن يمين

.

مير الحيا بين الحنايا ......عقب شدو ونقلو
يرعاه هم فراقهم ......من بعد راحو نازحين

.

واليوم لو عيني وقلبي........ للحبايب خايلو
ما عاد لي من مزنة ..احبابي رشاش ولا غشين

.

وانا ادري ان احباب. قلبي عن غرامي ما سلو
مير النوى والبعد..... ربي كاتبه فوق الجبين

.

ماادري بعد ساقو... جميع ظعونهم وين نزلو
مير الاكيد ان الحبايب ....وسط قلبي نازلين

.

ان غربو وان شرقو.... والا اجنبو والا اشملو
ما نازل ٍ بالقلب... غير الموت بعد الراحلين

.

.

.

.

.

.

ساعد في نشر والارتقاء بنا عبر مشاركة رأيك في الفيس بوك

الكاتب القدير خالد الوتيد
كل التقدير والامتنان لكم ولما سطرتم اناملكم من روائع الكلمات

حفظكم الله

الله الله على هكذا طرح
متميز دوما

تسلم يمينك
كن بخير

مرحبا ومسهلااا

داائما لاتاتي الا بكلل ماهو جميل

انتقاء مميز

محمد