سرت الطريق مخاوي النوّ الغريق بــ وابلـــه
لين الشقا حوّط على قلبي ســـدود عاليـــــــــــه

يشهد علي برّاقــه الســاري بـ ظلـم يـنــاولــــه
يغني و لو هو بالنظــر قصّــه قديمــه جاليـــــه

يا ذاويٍ في خــافقٍ لا ما هـقـيـتــك نــايـلــــــه
شوف الوهـــم يزهي ألمْـه غصـون همٍ داليـــه

تنبت من عيـــونٍ على حوض المنايـا غافلــه
و اسقيتهــا عمـرٍ جروحــه للمحـاجــر مـاليــه

إلى متى يــا خــافقي و الشك ينفـــح جادلـــه
و الاّ بـ صيـنـيّــة ذهب يهديك جمــره صاليـه

منه النــدى عيّــا يصـافـح كف شـــوقٍ حامله
والثانيه مهما عطت .. ماتمسك الحب.. خاليـه

ليه الأمـل فــآق الخيــال اللي رقـابــه طايلـــه
ديمــه على سـفــح الأمــاني ذكـريـــاتٍ باليـــه

وليه الليالي في قلــوب اهل الهــوى متسـاهلـه
المشكلــه في جوفهــا نبكي و تضحـك سـاليـــه

وليه الثــواني في شقـــات اعـوامنـا متمـاثلـــه
هــمٍ يقضّي لحظته و هـــمٍ بـ لـحـظــه تـاليــــه

و ليـه الخطـا يطغى و ترضـاه العقول العادله
و المــرّ نشربْــه و نقـول جروحنــا به حاليـــه

كيف المحبّـه عـمّـرت بيــد الصـدور الشايلـه
دام الخيــانه خصلةٍ بـ قلــوب غـيــر مبــاليـــه

كيف اعتلت في شوفنا بعض الذقـون السافله
نحسب على السنّـــه منابتهــا و هيّ ظلاليــــه

مـا دام بيّنت الـوجـيـــه الزايفــه المتخاذلـــه
لابد بـ ارمــاس الحقيقــه لي وجيــهٍ غـاليــــه

ومـا دام لـ عروق الوفا نبضة غدر متحايله
طعن الخفــا بين الشـفـايــا بسمــةٍ متحـالـيـــه

وما دمت ما تخلص لمن يغليك ما تستاهله
لو هو معانيــه و جروحــه ريشةٍ لك طاليــه

ومـا دامت الدنيــا سـراب مْولّعتْـــه القايلــه
وش ظلّهــا و نيرانهـا بـ سمـومهــا متواليـــه

وش ذنبنـا واللي مغـوّينــا "عقـوبه حايلــه "
عن جهْلنا .. واحكـامهــا المتجاهلـه متغـاليــه

وش حظّنا لا حل في درب السيـول السايله
أو عاصفـه ترقص على حسّ السما المتلاليـه

وش كـنـزنــا لو به كسينــا الغانيات المايله
أو هاجسٍ ينسف حصــون اعماقنـا المتبـاليــه

يـا ويلنـا كـان نترجّى دنيـــةٍ هي زايـلـــــه
و الاّ نــدوّر رحمـــةٍ و نْـفـوسـنــا متعـاليــــه

وش قولكم في حقنا لاضاع واحنا نخايله
لا نـامت الشيمــه وعين سلومنـــا متماليـــــه

لو تشرهون . المهتوي حلم الأمان يخايله
في دنيـــةٍ صـــارت لمن قبّل ثراهـا واليــــه

ساعد في نشر والارتقاء بنا عبر مشاركة رأيك في الفيس بوك

لله درك ياصقري على هذه الابات الرائعة



راقت لي صح لسانك

وتقبل مروري / بحر

يسلمك ربي اخوي بجر

ويسعدك على هالمرور العذب

لك ودي و فائق احترامي

ألجمال هو حرفك
وألتميز ينبع دائماً من قلمك أبدعت و أكثر

دمت ودآم إحساسك الرآقى
تحياتي لك لا عدمناك

استاذنا عبدالله الصقري
مررت وتمتعت ولمست
روعة حروف راقيه مشبعه بروح
صادقه مليئة بكل صدق واخلاص
يالا روعة حرفك ياشاعرنا
صح بوحك وطاب حرفك وأرتقى الى قمة
الهمس الاصيل
مررت هنا فتقبلني بحضوري
تحياتي لك
أخوك الحضبي

أختي ال مـلـكـيـــه

لك أعمق الشكر على حضورك العطر

لك ودي و تقديري و احترامي

أخي العزيز و أستاذي القدير

غبدالله الحضبي

الشرف لي بحضورك الراقي العذب

صح بدنك و طابن ايامك يالسمي

لك مني جل الود و التقدير و الإحترام

الله يعطيك العافيه
على طرحك المميز

نص فاخر

صح لسانك مليار

ولايكفون وتسلم يمينك

دمت بخير لاينتهي

أحبتي جميعا

يسلمكم ربي على هالمرور العذب

كل الشكر والتقدير و الإحترام لكم