اخر الاخبار هنا اخر الاخبار هنا اخر ااالاخبار هنا

عدد الضغطات : 5,183
التميز خلال 24 ساعة
العضو المميز الموضوع المميز المشرف المميز
قريبا
بقلم :
قريبا

العودة   منتديات مشاعرهم الادبية > ۩۞۩الاقـــســــام الادبـــيــة۩ > قـــســم الـــدواويــــــن
تحديث الصفحة ديوان خالدالتميمي

رد علي الموضوع
 
أدوات الموضوع انواع عرض الموضوع
قديم 01-10-2016, 07:29 PM   #61


الصورة الرمزية خالدالتميمي
خالدالتميمي غير متواجد حالياً

بيانات اضافيه [ + ]
 رقم العضوية : 555
 تاريخ التسجيل :  May 2010
 أخر زيارة : 05-23-2021 (07:03 PM)
 المشاركات : 119 [ + ]
 التقييم :  54
لوني المفضل : Cadetblue
افتراضي



(( صادق الشوق ))

البارحة في تالي الليل ناديت
ناديت خل بالهوى محتويني
يازين حبك فتت القلب تفتيت
الله على باقي عذابك يعيني
ثبت حبك باوسط القلب تثبت
وارخصت عمري لك طوال السنيني
ياشوق ماقبلك من الناس حبيت
ولاسكن عقبك بقلبي ضنيني
يمر طيفك كل مارمشت واغضيت
ودي تحس بصادق الشوق فيني
ودي بشوفك كل ماصبحت وامسيت
ممساك في شوقي وصبحك حنيني
ان جيت احط بداخل العين لك بيت
خايف يحول الرمش بينك وبيني
وان جيت احطك باوسط القلب عييت
صعبة علي اخفيك عن شوف عيني
خلك كذا بيت على الصدر تبييت
ودي على صدري تضمك يديني
اشم عطرك كل ما اقبلت واقفيت
واذوب لاشديت يسرا بيميني
احيا بقربك واتهنا ليا جيت
اعشق وجودك وادري انك تبيني
ليتك تواصلني على الدوم ياليت
مادام قلبي في يدينك رهيني


خالدالتميمي


 
 توقيع : خالدالتميمي

نقره لعرض الصورة في صفحة مستقلة
خالد التميمي


اقتباس
قديم 06-25-2016, 08:43 PM   #62


الصورة الرمزية خالدالتميمي
خالدالتميمي غير متواجد حالياً

بيانات اضافيه [ + ]
 رقم العضوية : 555
 تاريخ التسجيل :  May 2010
 أخر زيارة : 05-23-2021 (07:03 PM)
 المشاركات : 119 [ + ]
 التقييم :  54
لوني المفضل : Cadetblue
افتراضي



مشاعر وأحاسيس شعرية




يستاهل الحب من ضم الغلا جوفه

مدهاله القــلب يتمشى به لحــاله

يستاهل الـورد من عطربه كفوفه

والي عطا الحب وسط العين منزاله

-----------------------

يالهفتي طلي على الزين بسكات
لاتزعجـينة بس بشــويش طلـي
واليا انتبه مسيه بأحلى مسائات
مع رايق البوسه على خد خلي

----------------------

زانت مع الغالي سواليف وعلوم
مـع دلـة صـــفرا تفـوق الوصايف
ماغيرانا والزين والشوق معزوم
على بســاط الـحب مـامن كـلايف
ياعـاذلين الــقلب مانــيب ملــــيوم
لا صرت انا والـزين والجو كايف

--------------------

محلا كلام الحب مابين اثنين
متوالفين وفيهم الحب صادق
مهما يوطول الوقت يبقون وافين
غيم الغلا من فوق الأرواح وادق

-------------------

صباح الخير ياورد الصباح وعطره الشرقي
ونــور من سنا وجـهك ملا هالكون بأشراقه
صباح المسك والعنبر وشـعرحن له طــرقي
صباح احلى القصيد الي بصدق الحب لك ساقه

------------------

لاتنتظر من فاقد الشي يعطيك
لاقلب لا احساس وش لون يعطي
ان جيت قفى وان تركته يناديك
حتى ولو انه مع الشوق مبطي
عنده تناقض لو تشده معانيك
مره يصيب وعدة امرار يخطي

-----------------

استأذنك برحل ولاعادني جاي
مـادام صــارت بين يمـكن ولكن
ماجيت ادور شي يافالح الراي
جوالمشاعر في خفاياي ســاكن
وش فيك خايف من شكل مشية خطاي
انا كــذا ممشــاي ياهيــه تــاكن

---------------

يمكن اسوي بعض الأحيان مادري
يعني اجــاري من يعيشـون حــولي
ماودي اكشف للمــلاقيف ســــري
حتـــــى ولا ودي افــــرح عــذولي
بس انت لوتدري وش الي بصدري
ان كان تعذرني اذا ضــاق جــولي
تقتلني الأعــذارواعطيـك عــذري
حــواجز الأعــذار تمنــع وصـــولي

----------------

يامرحبا بالي لفونا مسايير
ترحيبة من خاطري تقبل الزود
الضيف عندي له معزة وتقدير
نقريه بالميسوروالطيب محمود
دلال صفر بالقهاوي مباهير
والعود الأزرق بين الأجواد ممدود

---------------

ياليه ليه وليه ياكثرها ليه
ياكثرها من دون نلقى اجابة
يمكن تربينا على قول لبيه
ولاضعفنا ماقدرنا المجابة

--------------

رميتني بالرمش والرمش ذباحي
ياداعج العينين ويش انت ناوي بي
تبغى السهر واقول يازين صباحي
مادامني وياك وايديك بيديني

-------------

عطرالزهور وريحة العود انتي
ياماخذة من كل بستان زهره
طيف الغلا يتبعك من وين كنتي
ياوردة فايح من الشوق عطره
صبح علينا الخير من يوم بنتي
ياغالي دايم على البال ذكره

------------

يالله يالي من ترجاك ماخاب
يالي بوجه العبد ماصك بابه
تقبل دعا الي رافع يديه طلاب
وتجعل لعبدك دعوة مستجابه
تشفي المريض الي تعب حيل ماطاب
تشفيه يالمعبود مما لجابه
ويلبس لباس العافيه لبس جلباب
وتكفرذنوبه على ما اصابه


آآآآمبن

-------------

سلامتك وش فيك ضايق ومخنوق
دنياك ماتسوى من الضيق ساعه
اضـــحك لها دنياك وتزين وتروق
طــنش اليــن يصـير عندك مناعه
وان ضايقك من سايرالناس مخلوق
خــل التسامح في حيــاتك قنــاعه

---------------

اليوم يوم السبت والا الثلاثاء

ضيعت مدري ويش حنا من ايام

معذوردام الغيم يمطر بلا ماء

اكيد كل احــلامنا تصبح اوهــام

----------------

قولوا لها وان عكرالوقت جوي
يجي لها يوم تزين المشاريب
حتى ولو ان النصيب متلوي
مكتوب والمكتوب لابده يصيب
والوقت لوينفخ مقابيس ضوي
فلابد مايعقد على جالها الطيب
وان كانها مالت انا ويش اسوي
اصبر ويفرجها لنا عالم الغيب

----------------

احترت من زود الغلا وين اوديك
مدري شمال القلب والا يمينه
مادام كل الشوق فيني يناديك
خلك بوسط القلب واسكن حنينه
والمس عروقن تنثرالود بيديك
واعرف تراصدري لحبك مدينه

---------------

ياسيد الخـــلان سـير وسلم
حـــتى ولــو بالحـــلم ارم الســلامي
من زودشوقي لك تعزويت بالحلم
عــله يجيبك ياضبي العــدامي
لاصرت يالمجمول ماجيت بالعلم
تعــــال سير يالغــضي في منامي
ودي المك فوق صدرالغلا لــــم
وتشوف شوقي يالغلا والهيامي
بترك قصيد الشوق معك يتكلم
يكفي علي اشوف بدرالتمامي

----------------

لاتطرق الخفاق ماعادبه باب
باب الهوى والحب بيدي ردمته
لاتتعب الرجلين ودوراحباب
صرح المحبة في برودك هدمته
صارت سوالفنامشاريه واعتاب
والا غياب يقتل الوصل صمته
مادام صرنا من ورا البعد اغراب
انا عن الأغراب سري كتمته

-----------------

يالي تحاول فتـح قــلبي عــوافي
لاتكسره مايفتح القلب تنقيز
القلب له قفل من الحب خافي
يحتاج له بصمه ويحتاج ترميز
لوتكشف الارقام ماهوب كافي
لازم مع البصمة اعادة وتعزيز
من يفهم المقصود بالعقل وافي
يعني معه نظره وفطنه وتركي

------------------

ياساهرالليل قل لليل يــــــــرسمني
من قبل وجه النهاريشب مصباحه


في عتمة الليل يــــــاخذ ريشة مني
يرسم ملامح وجودي فوق الواحـه

لوحة وفيهاتفاصيل التعب مضني
بروازهامن طعون الوقت واجراحه

فيها شعورالشقى والهم ساكنـــــي
كثر الهواجيس خلتني لها ساحــة

---------------------

وين اروح وكل خطواتي دروب
كلبــــوها يـــم دارك ســــــايره
والعيــون الي على بابك تذوب
تنظـــر لأعتــاب بـابـك حـــايره
قلبي الي من عناالرحلة شحوب
لـوتـركتـه مـن بيجبـر خـــاطره ؟؟

-------------------

الله يحييكم عدد مامشيتوا
يالي طرقتوا ذرفة الباب زوار
منزالكم بالقلب يالي عنيتوا
يالي قطعتوا للمواصيل مشوار
تستاهلون الطيب يالي وفيتوا
نفرش لكم في الأرض جوري ونوار

--------------------

يامساء الشـوق وانغام الـغرام ولحـظة استرخاء
مع ورود الـحب والـوان الغـروب لعين قاريها
يامساء يرتشف كأس العذوبة من نهرطعم اللقاء
مع لذيذ البوح من همس الشفايف والغلا فيها
ياغيـوم الــود هــلي وامطـرينا لين حـد الأرتـواء
بللـي ورد القلـوب الي تفتـح شــوق نـهديــها

--------------------

يمرني طيــفك وارحب واهــلي
واقول ياطاري هوى البال حييت
واصب لك فنجال واقـول حلي
اضيف اطيـافك ولوكنت مـاجيت
يروح كل الليل ضحك وتسلي
الين شمس الصبح تطلع على البيت

-------------------

بين المسا والصبح تحتارشمسي
تأخذ يمـين الكــون والا يســـاره
يمرني صوتك مع الصبح همسي
وطيــفك يـزاورني بآخـر نهـاره
اشتاق فيك اليوم وابغاك لأمسي
فيك المسا والصبح يعطي بشاره
لامـرني طـاريك تـرتاح نفسـي
والحـــريالمجمــول تكفيه اشاره

------------------

قلبي غدا لك ياهوى البال منزال
خذ راحتك وادخل ترا البيت بيتك
خله لصادق لهفة الشوق مدهال
صوت وينده لك من الجوف صوتك

-----------------

كل يشــــوف انـه مــثال المحــبه
وانه عطى في الحب اشكال والوان
وان العشق والشوق قلبه لعبه
وانه تعلق فالهوى دوم هيمان
وان العذاب الي في روحه مصبه
سبة حبيب دايم الدوم غلطان
ولوتسأله بالحب يحلف بربه
انه يحب بصدق واخلاص واحسان
بس الحقيقة ان الأثنين سبه
قل العطا والوصل في حبهم بان

----------------

مااقدر اخاطر واعطي القلب مجهول
اخــــاف شـــخص مايقـــدر حــنينــه
يستعمر الخـفاق بالـعرض والــطول
ويصير نبـض الـروح عنـده رهينــه
يستنـزف الأشـواق والــحب مسـؤل
وتمـــوت لحظــات المحبــة بيــدينـه
والقلب الأبيض من خطاياه مشلول
على وعـــود الـوصل ضيـع سنينـه

----------------

يالي جعل درب الهوى باب وستار
وشـلون تدعيني حضـور احتـفاله
خــليتني في مفـــرق الـحب محـتار
آخــذ يميـن الــقلب والا شمـــالـه
ابطيت واقف ماقدرت اني اختار
ودروب قلـــبك مـاعليــها دلالـــه

---------------

مساء الخير والقمرا تطل وتعكس انوارك
وليـل صار يتغنى اذا شــافك من الفـرحه
مساء الورد ياعطرالحنان وريحة ازهارك
مساء ينثره شعرك اذا ماطاحت الطرحه

-------------

حــبيب الــروح لا تبـطي عليـه
تـعال ابـغاك تسـعد لـي سـنيني
حــروف الحب في قلبي قــوية
يترجمها صدى النبضات فيني
وعيـن ترسـل النـظرات حيـــة
تبــي عــين تبـادلها الحــنينـي

-------------

حبيبي ودي اضمك على صـدرالـغلا وارتاح
ابـقطف من بساتين تنامت وسط احضانك
تعال وعطني اتفكه من اشجار الهوى تفاح
ابرتـع في عنـاقيد الكـرز واذوق رمــانك
وتـوت طـعمه يـجنن تنثـر بالشـفاه وســاح
وخوخ حيل يغريني تشكل بيـن اغصانك
انا ودي اجي لـيلة مـعك في جنتك ســواح
ابرد لاهب اشـواقي واهيـم بجو بستانك

---------------

هـلا بك والخفوق الي تعلق بالهوى نـاداك
بعد ذعذع هبوب الحب والأشواق تسري به
تعال وعانق اطياف الغرام الي لها مسراك
وعطني من حلا وصلك مادام الحب تدري به

--------------

مســاء المغفــرة واليــوم جمعة يالله التـوبه
مســاء نســأل الله فيـه يعطينـا امــانينـــا
عساه يديـــم فـــرحتنا ونلبس للهـنا ثوبه
ويـجمـعنـا على حبــه ومن تقواه يكسينا

--------------

يامسا البسمة على حلو الشفاة
والمسا رايق وروحــك رايـــقة
يامسائي انت ياحــلو الصــــفاة
كــل اوصــاف الــحلا لك لايـقة

--------------

لاتنخدع فيهم ترا الوقت خداع
بعض البشر في لعبة الحب شاطر

باهل الهوى والحب شاري وبياع
اعرف ترا في معرفتهم مخاطر

--------------

لاضكتك دنيــاك اظـفر بثنتين
فرض الصـلاة وطــاعة الــوالديني

--------------

ياعمي خلني ساكت قتلت الوصل بوعودك
تعبت من الوعود الي تناستني على بابك
على نور القمر ياما سهرت الليل لوجودك
يروح الليل وانتظرك انا والشوق واعتابك
يمــوت الشــوق ماجـيتي ولاتوفين بعهـودك
ذبحتي هالغرام الي ذبل ورده من اسبابك

--------------



 
 توقيع : خالدالتميمي

نقره لعرض الصورة في صفحة مستقلة
خالد التميمي


اقتباس
قديم 07-19-2016, 09:23 AM   #63


الصورة الرمزية خالدالتميمي
خالدالتميمي غير متواجد حالياً

بيانات اضافيه [ + ]
 رقم العضوية : 555
 تاريخ التسجيل :  May 2010
 أخر زيارة : 05-23-2021 (07:03 PM)
 المشاركات : 119 [ + ]
 التقييم :  54
لوني المفضل : Cadetblue
افتراضي



ماسـوق ياقـلب له الصـمت ماســوق
كنــــه دعــــاني للمبـــات وسـكـــنته
للبــعد للتــرحـــال للمــكابر الشـــوق
مــــادام كـــبلت الغـــــــرام وسـجنته
مات ولفضها صدق الأنفاس برفـوق
وفــي مـدفن الأشــواق حبــي دفنتـه



بوحي


 
 توقيع : خالدالتميمي

نقره لعرض الصورة في صفحة مستقلة
خالد التميمي


اقتباس
قديم 07-19-2016, 10:06 AM   #64


الصورة الرمزية خالدالتميمي
خالدالتميمي غير متواجد حالياً

بيانات اضافيه [ + ]
 رقم العضوية : 555
 تاريخ التسجيل :  May 2010
 أخر زيارة : 05-23-2021 (07:03 PM)
 المشاركات : 119 [ + ]
 التقييم :  54
لوني المفضل : Cadetblue
افتراضي



الزهرة الي زينت بالشوق بستان الغلا
عطرت روض المحاني من عطر تحنانها
سيـدة كل الـورود الي تغـار من الحـلا
واهـني القــلب يـوم انه غـدا بسـتانها
من عبـقها غـنت طيـورالمحـبة ياهــلا
رددت احـلى ترانيـم الغــلا لاعيــانها



خالد


 
 توقيع : خالدالتميمي

نقره لعرض الصورة في صفحة مستقلة
خالد التميمي


اقتباس
قديم 07-19-2016, 09:12 PM   #65


الصورة الرمزية خالدالتميمي
خالدالتميمي غير متواجد حالياً

بيانات اضافيه [ + ]
 رقم العضوية : 555
 تاريخ التسجيل :  May 2010
 أخر زيارة : 05-23-2021 (07:03 PM)
 المشاركات : 119 [ + ]
 التقييم :  54
لوني المفضل : Cadetblue
افتراضي



مساء الخير والقمرا تطل وتعكس انوارك
وليـل صار يتغنى اذا شــافك من الفـرحه
مساء الورد ياعطرالحنان وريحة ازهارك
مساء ينثره شعرك اذا ماطاحت الطرحه



خالد


 
 توقيع : خالدالتميمي

نقره لعرض الصورة في صفحة مستقلة
خالد التميمي


اقتباس
قديم 10-24-2017, 05:49 AM   #66


الصورة الرمزية خالدالتميمي
خالدالتميمي غير متواجد حالياً

بيانات اضافيه [ + ]
 رقم العضوية : 555
 تاريخ التسجيل :  May 2010
 أخر زيارة : 05-23-2021 (07:03 PM)
 المشاركات : 119 [ + ]
 التقييم :  54
لوني المفضل : Cadetblue
افتراضي



تعال ومسكنك بين الضلوع العوج ياحبي
تحكم في شرايين الخفوق وشارك انفاسه
ابيك تضخ في عرق الحياة الروح ياقلبي
وتملا بالغلا والحب صدر الشوق واحساسه


بوحي


 
 توقيع : خالدالتميمي

نقره لعرض الصورة في صفحة مستقلة
خالد التميمي


اقتباس
قديم 10-24-2017, 05:53 AM   #67


الصورة الرمزية خالدالتميمي
خالدالتميمي غير متواجد حالياً

بيانات اضافيه [ + ]
 رقم العضوية : 555
 تاريخ التسجيل :  May 2010
 أخر زيارة : 05-23-2021 (07:03 PM)
 المشاركات : 119 [ + ]
 التقييم :  54
لوني المفضل : Cadetblue
افتراضي



الا وش فيك متضايق وحبك بالحشا ساكن
اذا منته مصدقني تعال وشوفه بعينك
تعال وفتش بروحي اماكن منها ماكن
ملكت الروح ياغالي وصك القلب بيدينك


بوحي


 
 توقيع : خالدالتميمي

نقره لعرض الصورة في صفحة مستقلة
خالد التميمي


اقتباس
قديم 11-01-2017, 09:52 AM   #68
مراقب عام


الصورة الرمزية الوطن
الوطن غير متواجد حالياً

بيانات اضافيه [ + ]
 رقم العضوية : 2826
 تاريخ التسجيل :  Jun 2014
 أخر زيارة : 03-20-2022 (08:57 PM)
 المشاركات : 905 [ + ]
 التقييم :  10
لوني المفضل : Cadetblue
افتراضي



اشكرك على الكتابة المفيدة وننتظر ابداعاتك


 

اقتباس
قديم 06-22-2018, 12:50 PM   #69


الصورة الرمزية خالدالتميمي
خالدالتميمي غير متواجد حالياً

بيانات اضافيه [ + ]
 رقم العضوية : 555
 تاريخ التسجيل :  May 2010
 أخر زيارة : 05-23-2021 (07:03 PM)
 المشاركات : 119 [ + ]
 التقييم :  54
لوني المفضل : Cadetblue
افتراضي



الصمت في هالوقت حكمة وراحة بال
وفي زحمة حروف الجهل لياك تتكلم
ترا الكلام الزود يكشف ويفضح حال
وكثر اللجاجة تجرح احساسك وتتألم

بوحي


 
 توقيع : خالدالتميمي

نقره لعرض الصورة في صفحة مستقلة
خالد التميمي


اقتباس
قديم 06-22-2018, 12:51 PM   #70


الصورة الرمزية خالدالتميمي
خالدالتميمي غير متواجد حالياً

بيانات اضافيه [ + ]
 رقم العضوية : 555
 تاريخ التسجيل :  May 2010
 أخر زيارة : 05-23-2021 (07:03 PM)
 المشاركات : 119 [ + ]
 التقييم :  54
لوني المفضل : Cadetblue
افتراضي



شاكر ومقدر لكل الحريصين على اسم خالد التميمي ومشاركاته في كافة المواقع الادبيه


 
 توقيع : خالدالتميمي

نقره لعرض الصورة في صفحة مستقلة
خالد التميمي


اقتباس
رد علي الموضوع


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


Facebook Comments by: ABDU_GO - شركة الإبداع الرقمية

الساعة الآن 11:53 AM.


Powered by vBulletin Version 3.8.9
Copyright ©2000 - 2024, Jelsoft Enterprises Ltd
Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
new notificatio by عــراق تــ34ــم
تنويه هام : الادارة ليست مسؤولة عن اي عملية تبادل دون علمها