قصيدة يعبرعنها مضمونها والله يوفق الجميع .

(( اختبارات ))

يقول من ينظم تماثيل وابيات
....يكتب قصيد مايجي فيه عله

يارب يـالي معتلي بالسموات
....ياعـالم بالغيب دقـه للة وجله

انك توفق من عليه اختبارات
....وتصيراسئلته اذا حل سهله

وسط الورق يكتب جميع الأجابات
....والذاكرة لامـن بغاها تدله

واليا نجح ياخذ جميع العلامات
....متفوق مابين ناسه وأهله

يالله تجعلها عليهم سهالات
....لين النجاح يصير فالعمركله

واليانجح واخذ كبيرالشهادات
....بنقوله مبروك ونقيم حفله

ونحط له صورة مع اجمل تحيات
....ويلقى خبر تفوقه بالمجله

ترا طريق المجد عزم وهمات
....والعلم يرقابك حدود الأهله

من جد وقت الجد يلقى نجاحات
....ومن رام درب للمعالي وصل له

وصلاة ربي عد ماهب نسمات
....واعداد براق سحابه يهله

على نبي الله سيد البريات
....محمد المعصوم عن كل خله

خالدالتميمي

(( الصورة الي كسرت لي ضلوعي ))

شاهدت هالصورة فتألمت كثيرا وبكيت وكتبت بحرقة هذه الأبياااااات

والله بكيت من الألم ياربوعي
للمنظر الي قطع القلب تقطيع
الصورة الي كسرت لي ضلوعي
من شفتها والقلب صابه تلاويع
طفلة ويتمهازمان الفجوعي
في حجـرهاطـفل نسوه المراضيـع
ماتوا اهلهاوالكوارث تروعي
والخوف روع طفلة الياس ترويع
متشردة في وقت برد وجوعي
متحمله حمــل يـهــد البــــواتيـع
من ياسهانامت على راس كوعي
ولحافهاليل النجوم اللواميع
في حضنهابيت لاخوها منوعي
خافت عليه يتيه الدرب ويضيع
وش ذنبهاطفلة تعيش الوجوعي
وش ذنبها تشري مع الهم وتبيع
وش ذنب اخوهاصارثوبه مزوعي
والبرد يلسع جسمه الغض تلسيع
حسبي على الي حدهم للخنوعي
صاروايتامى عقب اهلهم مخاضيع
ياحيلة الله صاروقت قطوعي
ماتت بـه النــخوة ولابـه مـفازيـع
مات الفزوع وراح وقت الفزوعي
الي يلـبي نخــوة الحــق ويطــيع
والمعذرة لوسابقتني دموعي
حزني مع الصورة مضى له اسابيع



خااالدالتميمي

عشاق القصيد مرحبا بكم
هذه مشاركة مني في حملة الدفااااع عن امنا ام المؤمنين عااائشة بنت ابي بكرالصديق رضي الله عنهاوعن ابيهاوعن جميع صحابة رسوال الله صلى الله عليه وسلم وهذا اقل مانقدمه لأمنارضي الله عنهاوأرضاها ولكم كل تقدير .

يااله الكون رب العالمين
يا عليم اللي ظهر و المستكين
يا عظيم و يا نصير و يا معين
اهدنا للرشد و الحق المبين


اسألك يارب حقق مانبي
انصر السنة و اصحاب النبي
عزة الإسلام هذا مطلبي
و التمسك في هدى الهادي الأمين


اسألك يا خالق كل الوجود
يا إلهي اهلك اشباه القرود
دمر الأذناب و افراخ اليهود
و اليهود الطامعين الحاقدين


بعد هذا وش بقى ياشيعة
خاسر الخاسر ومنه يتبعه
مالقى الزنديق منه يمنعه
غير همتكم سوا يامسلمين


يا جنود ابليس هذا همنا
نرخص الأرواح عن عرض امنا
لو حياض الموت تشرب دمنا
عن حماها ما نلين و نستكين


يالجيوش اللي براسي شايشة
و الهجوس اللي بصدري جايشة
دافعي عن حق امي عايشة
دافعي عن عرض ام المؤمنين


امنا اللي ذكرها جا في الكتاب
خصها المعبود في فصل الخطاب
شامخة في هامها فوق السحاب
انتي مصدر عزنا دنيا و دين


انتي اطهر من مطر غيم هما
و انتي اصدق من كلام الحكما
البراءة جتك من سابع سما
برئك ربي إله العالمين


يا عفيفة عرض يا نور الظلام
الله الي زوجك خير الأنام
من بعد رؤياه في صدق المنام
يكفي انك زوج سيد المرسلين


انتي عنوان الطهارة يابتول
امنك ربي على بيت الرسول
للأمانة حافظة فعل و قول
باقي طهرك على مر السنين


انتي اغلى من سكن قلب الحبيب
خاطر المعصوم في قربك يطيب
لو لقا من دنيته هم رهيب
تحتوينه ياملاذ الآمنين


افخري يابنت ابوبكر الرفيق
الي بالهجرة رفيقه بالطريق
الصدوق الصادق الي له صديق
بشره بالخلد ذا علم يقين


يا امنا أنتي لنا عز و فخر
نعتزي بك بالجهاد و نفتخر
لك سيوف تفتته صم الصخر
تجعل القاسي من الضربة يلين


يا امنا حنا ليا جار الخصوم
نرفع الرايات و نشد العزوم
تفتديك ارواحنا وقت اللزوم
كلنا جندك لنصرك جاهزين


والختم صلوا على الهادي الامام
النبي الهاشمي نسل الكرام
عد ماتمطر هماليل الغمام
كل صبح و كل ليل و كل حين






خالد التميمي

(( قالت احب ))

واثقة قالت احب

ايه احب
راحت تغني طرب

ايه احب

ياعجب صارت الحلوة تحب

بس كذا هين كذا
كل حكى نفس الكلام
كل تغنى بالهيام
كل يقول انه يحب
وفي الحقيقة مايحب

هين كذا
كل يقول انه دخل بحر الغرام
وانه كتب احلى كلام
وفي الحقيقة كان واهم
ما قدر انه يساهم
في الهوى ماكان فاهم

كان تايه
ماقدر انه يواجه
الهوى من دون صوت
دايم بسرعة يموت
يعني حبك في النهاية
ينتهي قبل البداية

تدري عاااااد
ارجع فراشك ونم
صارت القصة حلم

صارت القصة حلم

تحياتي

خالدالتميمي

(( لاياحسايف ))

لاياحسايف توي افهمك وادري
لاياحسايف ماسقتني مزونك
كنت احسب ان الحب والشوق عذري
كنت احسب اني بالهوى صرت كونك
اثرك تحرا لاتوسطت ظهري
تقوم تقتلني بخنجر ظنونك
كثرت طعوني منك ياقوصبري
اطعن وزود في بياضي طعونك
منك الجروح تنوح وتشق صدري
اجرح مادام الجرح يرضي جنونك
خذ راحتك واقتل مفاهيم قدري
واعزف على مسرح شموخي لحونك
يامستعير اللون من دم غدري
ارسم هلاكي فوق لوحة فنونك
تو الغلا مامات وش لون تسري
قطع عروقن تغتذي منك لونك
دامك بشرع الحب اعلنت هدري
والشك يالمجمول اعمى عيونك
لاتعتذر للقلب ماعاد بدري
صكيت بيبان المعاذير دونك
ارحل ولاظنك على البال تطري
دامك رضيت بموت ناس يبونك

خالد التميمي

(( أمـــــــــــــي ))



امـي بداخـل مهجتـي منزالهـا
تقديرهـا مـع حبهـا واجلالهـا
يالله تحفظهـالـنـا يـاربـنــا
ويزيـد عنـدك يالولـي منزالهـا
ياكـم عانـت والحمـال فبطنهـا
تسعـة شهـور مثقلـة باحمالهـا
وياكثرماشافت من همـوم وتعـب
تسهر على راحة جميـع عيالهـا
تتعب اذا شافـت حدانـا منزعـج
تهتـم مـن همـه وتشغـل بالهـا
واذا تعرض واحـد منـا مـرض
لراحـة تسهـر وتنسـى حالهـا
واذا تأخـر واحـد عـن حزتـه
ماتهتنـي فـي ليلهـا عزالـهـا
ياماتحرتنـا علـى حـد العـتـب
فـي كـل ليلـة واقفـة بجلالهـا
متواكلة وتناظـر لبـاب الحديـد
وتراقـبـة باقفايـهـا واقبالـهـا
لونتـاخـر ماتـمـل الانتـظـار
الليـل كلـه تسهـره بالحالـهـا
ياكـم نبهذلهـا ونرفـع ضغطهـا
مـن عفرتتنـا كاثـرن غربالهـا
مير آه ياكبـر الحنـان بصدرهـا
كثـر الشقـاوة مننـا تحلالـهـا
وان كانها ضاقت تحلت بالصبـر
ذيك امنا الـي وافيـات خصالهـا
في عمرها ماقصرت مع والـدي
وتـقـدره باقوالـهـا وافعالـهـا
وهي بعد ماقصـرت فـي بيتنـا
فـي كـل يـوم قايمـة باعمالهـا
هي قمة الرحمة وعنـوان العطـا
هي مصدر الطيبة وهـي تمثالهـا
ماقصرت ماقصرت والي مضـى
من فعلهـا ياخـوك طيـب فالهـا
والباقي الباقي نـرد الهـا الجـزا
حـق علينـا برهـا واوصالـهـا
واليا رضت يرضى علينـا ربنـا
هني منـه بالرضـا يسعـى لهـا
امـك وامـك ثـم امـك يالفهيـم
واعرف ترا الفردوس تحت ظلالها
والخاتمة صلوا على سيد البشـر
عد الطيور وعـد حـب رمالها

خالدالتميمي

(( ياغريب زارني حزة مسايا ))

ياغريب زارني حزة مسايا
ياسكون الليل ياموجة بحر
استبحت الدار واحرقت السبايا
رحت تعبث بالهدايا والصور
اترك البرواز حطمت الزوايا
انحنى التذكار فيها وانكسر
مابقى للطيف في وسط المرايا
غير رسم في خيالي يحتضر
والرفوف الي تخلت عن هوايا
اقبلت تنهار والصبر انتحر
كيف مات الشوق في جوف الهدايا
والهدايا تحتضن احلى عطر
مانشدت الغيم عن سبة شقايا؟
ليلة ظلمى ولا فيها قمر
الستاير تروي فصول الروايا
اسأل الشباك عن صدق الخبر
لو حكيت السالفة بين الشفايا
ذابت البسمة على كف العذر
مابقى لي من حكايتها بقايا
يمكن الي اذكره آخر سطر

خالدالتميمي

(( ياغريب زارني حزة مسايا ))

ياغريب زارني حزة مسايا
ياسكون الليل ياموجة بحر
استبحت الدار واحرقت السبايا
رحت تعبث بالهدايا والصور
اترك البرواز حطمت الزوايا
انحنى التذكار فيها وانكسر
مابقى للطيف في وسط المرايا
غير رسم في خيالي يحتضر
والرفوف الي تخلت عن هوايا
اقبلت تنهار والصبر انتحر
كيف مات الشوق في جوف الهدايا
والهدايا تحتضن احلى عطر
مانشدت الغيم عن سبة شقايا؟
ليلة ظلمى ولا فيها قمر
الستاير تروي فصول الروايا
اسأل الشباك عن صدق الخبر
لو حكيت السالفة بين الشفايا
ذابت البسمة على كف العذر
مابقى لي من حكايتها بقايا
يمكن الي اذكره آخر سطر

خالدالتميمي

(( عتب عتب ))

بيني وبينك عتب ..
بيني وبينمك لوم
لاشفتك انسى التعب..
وانسى العتب واللوم
.......
مهمايصير
مهمايصير
يبقى الغلافي خافقي لك مستكين
قلبي كبير
قلبي كبير
مهماقسى قلبك علي 000قلبي يلين
.......
اش نستفيد انتي انا لو نبتعد
اش نستفيد
لو تاهت ادروب الغلا ذاب الوعد
اش نستفيد
.......
تذكرين
اكيد انك تذكرتي غرامي الحين
لاتنكرين
لاتنكرين انك على وعدي تجين
تعرفين
كنتي باحساسي وشوقي تعرفين
اكيد انك تذكرين
.......
كنتي من غيابي تنزل دموعك
وانا من غيابك تنزف جروحي
.......
لاتبعدين
خليك لي فرحي عن الوقت الحزين
لاتجرحين
كفايتي جرحي من جروح السنين
.......
مشكلتنا
في الهوى كنا نكابر
مابغينا
نظهر احساس ومشاعر
.......
لكن احنا لو صدقنا في البداية
مابكينا وافترقنا في النهاية
وهذه اصل الحكاية
هذه اصل الحكاية

خالدالتميمي

(( الترحال ))



ياسيد سيدي كان تنشد عن الحـال
الحـال والله كايـد الهـم لــزه
ذيك الهموم الي من الجال للجال
لزة على قلـب المشقـى تغـزه
من عقبها وانا مع الليـل رحـال
قلبي على الترحال شوقـه يهـزه
امسيت انا والليل خيـل وخيـال
ارخى عنانـه والمشاعـر تـدزه
ياليل تطربنـي لياجيـت تختـال
من فرحتـي ياليـل افـز فـزة
لاياسكون الليل سري معك طـال
سري عـن العـذال ياليـل وزه
ياسيدي وان كان غصن الدهر مال
تلقى مـع نجـوم الليالـي تنـزه
ذي حالتي لاصار بالقلب ولـوال
وارسل علي الهم رمحـن يكـزه
اخاوي الغربة وممشاي ترحـال
وانا رفيق الليل فـي كـل حـزة
واناغريب الدار ما نيـب نـزال
ارسم وجودي في شموخ ومعـزة
ذي خاتمة هرج بنيتـه علـى آل
وانهيت جملة مـا كتبتـه بـأزة

خالدالتميمي