خوال المؤسس والملوك السدارا=اللي لهم في صفحة المجد بصمات
قدر السدارا والسدارا كبارا=في شامخ العليا بروس الطويلات
مثل الصقورالنادرات الحرارا=بوكور عز لنخوة الطيب فزعات
روس الشجاعه واتخاذ القرارا=زبن الدخيل مطوعين الصعيبات
وجه الوجاهه من وجيه اعتبارا=قدرالقديروفي رفيع المقامات
لمحمدالاحمد بشعره منارا=شاعر علم مرجع لكل الثقافات
جدير ذكر وكالعلم فيه نارا=ياصل سناها لين حد السموات
لحصه الاحمد عظيم الوقارا=ام الملوك مسطرين البطولات
ريف اليتامى والضعوف الفقارا=خير النساء الخيرات العظيمات
شعري تمثل من بليغ اختصارا=وفعولهم تسهب بكل المجالات
لهم على ركب التطور مسارا=كفو التكافي واكتفاء الكفاءات
في تركي الخالد مثال ازدهارا=وزير للخدمه بكل الوزارات
فعل السدار بالوطن مايوار ا=قبل الفتوح وبعدعصرالفتوحات
ابواصيل وكم قطف من ثمارا=بامرالسديري من بحوث ودراسات
خلى البسيطه عقب كانت قفارا=تصبح رياض خضر بارض الحضارات
نوماس طيب ولليباس اخضرارا=من حاتمي الجود جزل العطيات
شعور شعري في ثناه افتخارا=حتى لو يسكب بحور ومحيطات
بنا على ضو الصحيح وغرارا=مهابة الساده وفي ظل سادات
شاعرهوازن
عبدالرحمن بن صقرالمرشدي