حبيبي ببتعد عنك والى منك عقلت ورقت
بتلقى حبك بقلبي وهو باقي على وضعه

اعرف انك بترجع لي واعرف اسايرك لا ضقت
مثل منت اتحمـَلني اذا قلبي خرب طبعه

واعذرك لوتعذبني وتجفاني لبعض الوقت
واحبك يابعد كل الخلايق والبشر جمعه

حبيبي بينك وبين الحبايب كلها فرقت
لانك حــبٍ بقلبي عليه الختم والطبعه

حبيبي مابه انسان ٍ خذاني بالغلا واشتقت
سواتك ... لني اشوفك قمة الروعه

وانا لولا مواصيلك تراني بالدموع اغرقت
رموش ٍ تفتـِح بشوفك وبعدك تحضن الدمعه

حبيبي لحظه بدونك تصدق يالغلا ماطقت
واحس الحب من دونك ظلام وطافي الشمعه

ساعد في نشر والارتقاء بنا عبر مشاركة رأيك في الفيس بوك

اقتباس