يا حروف المشاعر

#1 03-19-2010, 07:22 PM

محاوره مباشره بين الشاعرعبدالله الحضبي السبيعي
والشاعر الدكتور مشيلح بن بركي الثمالي
قال الثمالي :

نادوا لي اللي دوّن التاريخ عن ربعه سبيع=الشاعر اللي قبل ياصلنا سبقتـه سمعتـه
عبدالله الحضبي هلابه في شتا والاّ ربيـع=واللي حضر في ساعة التوزيع ياخذ وزعته

قال الحضبي

يامرحبا باللي بدأ قاف على المعنى بديـع=شخص عزيز ودنا ناخذ ملامـح خبرتـه
البحر من طبه ترا يمكن مع الموجه يضيع=والمركب الغلبـان مايعـرف خفاياغبتـه

قال أبو عادل :

حنـا ليامناحضرنـا نشتـري والا نبيـع=هذا ريالي مع ريالك والذهب مـن لمعتـه
أنا ادري ان اللي معه زبدة على راسه تميع=واللي ملا العكة وجودهـا يجمـل لحيتـه

قال ابو سعد :

ياراعي النخوه ترا المبدا مع الطرقه رفيع=كل على ماقيل تكفي للجماعـه شهرتـه
شد العزيمه لاتميّل وانت في الخط السريع=واللي ملا العكه نثرها ماعطاها لسرتـه

قال الثمالي :

ماهمّني فالوقت غار اللي كما الحمل الوديع=صوته كماصوت الأسد والاّ الفعل ياقلعتـه
من لايفكر فالعواقب راح فاليـوم المريـع=واليا نصحته قام يذكر لك مزايـا وقعتـه

قال الحضبي :

ترا الذيابه تجتول تختارفي طيب القطيـع=واللي فزع للقوم نعرف فزعتـه ماسرتـه
نبني بيوت من صخر والبيت بنيانه منيع=كوكب زحل والمشتري غطت ملامح زهرته

قال د/ مشيلح الثمالي:

دع عنك مالا تستطيع وجرّب اللي تستطيع=والثوب ابو رقعة قبال الناس تظهر رقعته
الحب دقّته الرحا اللي صوتها يقرع قريع=وراعيه من حرة على كبده تهامل دمعتـه

قال الحضبي :

شد العزايم لازم انـك تجبـر المهـره تطيـع=العاشق الولهان والله انـه ماتخيـب نظرتـه
لا ضاع حلمك ضاع فيه المبتغى واصبح صريع=والعجه اللي جت صباح اليـوم تدفـن جرتـه

ساعد في نشر والارتقاء بنا عبر مشاركة رأيك في الفيس بوك