قامت تبختر كنهآ باشت الروم
من قدها كل يطالع حلاها
مالت مع النسمة كمآ عود يشموم
لاهبت النسمة تناثر شذاها
صارت قمرهم والبني عندها نجوم
غطت على كل الحضوربسناها
يامهرة تلعب من حزوم لحزوم
صعب على الخيال يقرب حماها
غالي ثمنهاما وصل حدها السوم
خيالها اللي بالمحبة شراها
ترا الحلا بين الغنادير مقسوم
لكن جمال الحور سره معاها
ريمية جنسه مع الناس معدوم
دين وحسب واخلاق ربي حباهآ
ياحظ منهو نالها سيد القوم
ان اشهد انه فاز يومه خذاها
يارب تسعد قلبها دايم الدوم
وتصونها عن كل عين تراها.

بوحي

ساعد في نشر والارتقاء بنا عبر مشاركة رأيك في الفيس بوك

العيد راح وبعده العيد ثاني
وانا برجوا بين موعد وميعاد
كنت اتحرا من يجي في مكاني
ويقول جعل العيد ياخل ينعاد
ينثر عبير الورد بين المحاني
ويردد انغام الغلا كل رداد
لكن لقيته مايعرف الأغاني
ماهوب للي يطرب القلب وداد
بس احتري له رد مع كل عاني
لو يتأخر بالمكاتيب وش عاد
وانا اطرق الاشواق بين المعاني
طرق من اقصايه كما طرق حداد
والبس جديد اليأس بعد الأماني
على تلاشي فرحة العيد معتاد
لاصرت شام ومن تحبه يماني
فابشر بعين تسهر الليل وسهاد


خالد