/

/



ياشين صدة من تحبه وتغليه = خص الامن صار يدري بحبه
يصد عن عينك وقلبك يناديه = صدته هي جرحه ولاماه طبه
يغيب عنك .. وجاهلٍ وين اراضيه =وتقول ليت ادروبي اتمر دربه
*هذاك خلي جعلني والله ماابكيه= اغليه في حالات سلمه وحربه
يابخت عينٍ كل يوم تراعيه = وياحظ منهو نال حبه وقربه
حبه بقلبي .. مثل ماهو درى فيه = ياليت انا ادري ويش قدري بقلبه
واسمه الامن مر بي قلت لبيه =وأقول حي ذالعين .. كني منبّه
*لا شك بدعي له عسى الله يحميه= من كل شر وكل باس وكربه
ان عاد لي مشتاق فالله يحييه=القلب بيته ساكنٍ وسط لبه
*وان راح .. عزالي .. فلانيب ناسيه= قربه امان ..وغيبته طول غربه
*هذي سواة الحب ..وهذي مواريه= ياظاميٍ للحب دونك مصبه
/

/