خلوني أحيا مثل ما أنا ثريا =عقلٍ رزين وقلب أنصع من الشاش .

. خلوني أحيا مثل ما أنا كذيا =أنقى من الماء من ينابيع ورشاش .

. أجنب برجلي دروب الرديا =ولا ماشي قلوبٍ مريضات وغشاش .

. عصفورة الأحلام تاهت هنيا =تبحث لها في خافقي غصن وعشاش .

. ولا لقت إلا ضلوع ٍ بليا =صفراء حنايا القلب وضلوعه هشاش .

. صمت القبور الموحشات الخليا =استوطنت قلب ٍ مداهيله قراش .

. تبكي ندم عمرِ ِ قضى من يديا =يا للأسف عمرٍ تعداني إبلاش .

. كفوف حزني طايلات ٍ سخيا =ومصايب الدنيا سعيدات وبشاش
لو قلت لي يا حادي الركب هيا =لأقولك ظميا المواريد وعطاش .

. ولو قلت لي شف هالربيع وتهيا =لأقولك جدب المرابيع ودشاش .

. ولو قلت لي شف هالغصون وتفيا =لأقولك ما تذري غصونه اللاش .

. وهذي أنا رغم المصايب هذيا =شوفي بعيد ولا على عيني غباش .

. أمشي على وضح النقا ما عليا =أقلط على جزلات ما أقلط على عراش .

. وأنا كذا فوق السحايب ثريا =عقلي رزين وقلبي أبيض من الشاش .