من طبعي ارد الإساءهـ بالاحسان
وأساير ظروف الزمان اللعيــنه
وأطوف الغلطهـ من أفلان .. وفلان
يعني من أجل عين تكـرم مدينه
الكامل الله والخطا طبع الانســان
والدرب يفرق عن يساره ويمينه
و الصاحب اللي لـه معزه وله شان
ان جاني بـشينه.. تذكرت زينه
اتحمل اخطاءهـ معي قدر الأمكان
من جانبي تبقى العلاقهـ متينه
واللي يغلطني وانا ماني بغلطان
اصابعي احطها وسط عينه
مادامني مسلم وفي قلبي إيمــان
عمرالبحرماشال هم السفينه
مرت علي انواع . واشكال . وألوان
بين العقول الناقصهـ .. والرزينه
عندي قناعه ان الإنسان شيــطان
اذا يهينكـ لازمـ انـك تهينه
يعني اذا حاجتكـ بــيدين عدوان
يكفيكـ شر المهزلهـ .. والغبينه
من كثر ماجاني من الناس خــذلان
تحرجني حتى كلمة الله يعـنه
صحيح لي ربع .. وجماعهـ .. وخلان
وأضيق لكن حاجة الناس.. شيــنه
الشخص دام انه بكل شي خــسران
تأكد انهآ من عمايل يديـــنه
من مرحلة حب .. ومشاعر .. وحرمان
إن مالـعنت الحب تلعنهـ سنـينه
اكتب شعر واعزف من اشواقي الحــآن
واسلي قلوب الغـرام الحزينـــه
ولو الشعر مخلوق في هيئة انســـان
والله لأقول له تسـلم واقبل جبينه
مما.. راق.. لي
ساعد في نشر والارتقاء بنا عبر مشاركة رأيك في الفيس بوك