كم ذكرتك
*******
في غيابي يا غرامي ماتت ازهار المحبّه=والليالي في رحيلي سادها صمت الوجود
والألم هزّ المحاني والوجع كاسن وصبّه=من سموم البعد اجرع والجّسد صابه برود
كنت اظن الحبّ نعمه يسعد العاشق بدربه=خاب ظنّي يا حبيبه والاماني لي شهود
صرت لازم الفي يمك يا نبض قلبي وطبّه=يا ملاك الحب عندي صرت لازم لك أعود
وانتي ادرى الناس بيه وش فؤادي وش بلبه=طيفك اللي ما بقا لي من حروفك والعود
كم ذكرتك في غيابي مبتسم لكن بكربه=والمشاعر يا شعوري داخل الخافق جمود
لا بغيت ارحل لشرقه شدّني طيفك لغربه=وارتضينا بالتمنّي والعشق ذبذب صعود
بين صكّات الأماني والمحاني فيها حربه=والظلام احجب فضاتي والأسى جيش حشود
ما ذكرت الّا كلامك كم احبّه كم احبّه=من تقولي يا حبيبي دونك العالم سهود
يسرح الخافق بحبّك والمنى يصبح بقربه=والمشاعر يا شعوري نفحها نفح الورود