الفراسه خيل ضمر
*******&*******
الفراسه مو تكبر تقدروا اتقولوا تمرمر
قلب اوجوهن كثيره داج بالدنيا وهام
جرب القاصي وداني لاجلهم ساعد تشمر
ما جرع غير الحسافه والشهد لحسه ودام
لكن النانتج رجوله والفراسه خيل ضمر
افهم انفوس الخلايق من نظرها والسلام
من فكرها من صمتها من اشاره لو تغشمر
واحسب حساب الصغيره والكبيره والكلام
من قدرني فوق راسي والغلا فيني يعمر
ما يخون العشره الا ساقطن وابن الحرام
وانا صقر(ن)بالمعالي ساق شامخ غصن مثمر
من يبانا يبني سلم بالمكارم والحسام
عنجهيه ما نجيها والجهاله شي مدمر
من يبي ينهج نهجنا يقتدي درب الكرام
هاذي دنيا ما تدوم وما يدوم ابها معمر
قابل المخطي بحسنا ربك اعلم بالانام
والنفس ساس البليه وسوسة شيطان تطمر
كل درب(ن)للمحبه ترصف ادروب الخصام
لاجل ذلك قبل نومك صفي نفسك قبل يخمر
حقد فيها او هواجس شيد قصور الوئام
فانت ميت وانا ميت والبقا اثر(ن) تمسمر
ينذكر بين الخلايق ينهجه طفل الفطام
|