عذبتني ارجوك خفف عذابي=مهوب حق الي تسوي بمغليك
يكثر ما شرعت للوصل بابي =ويكثر ما صديت عني وانا ادعيك
وارسلت لك مليون مرة خطابي =وشرحت لك ماقفيت جافي وناسيك
وبينتك لك وين الخطاء والصوابي=مبيك تسمع هرجة الغير تشقيك
بينت لك ماخفيت عنك جوابي=واقبلت لك مخلص ووافي وشاريك
لاتقول كل احلامنا ذي سرابي=المشكلة مفتاحها بين اياديك
لا تسمع العذال لحظة غيابي=الي سوالفهم عن الحق تعميك