ياجروح بالمحاني الدماء منها تسيل=لاتزيدي في عذابي مالك بصدري سعه
آه من هم بلاني واحرق القلب بفتيل=والسبب حاقد أناني ساترته الأقنعه
إرتوى الحب وحناني ثم تنكر للجميل=لاقرابه..لاحميه..لارجوله تمنعه
كنت اظنه عز شأني وافي شهم أصيل=للأسف به خاب ظني وإنكسر قدري معه
كان فيه الله بلاني ألجمه مو مستحيل=ثْم اباشره بخطابي والطمه به واصفعه
روح (يافلان الفلاني) إكتشفت إنك (قليل =الحياء)..إن لم تصونه فأصنع إللي تصنعه
إبعد وفارق زماني لعنبو مثلك خليل=لوتبي ذلي فمالك غير رأسي تقطعه
إنت غصن للخيانه كل ماهبت يميل=دامني حره اصيله جاك ردي وإسمعه
إنت ماتسوى ترابي يالردي فكرك عليل=ماعليه من طعونك طبعك الله يقلعه
في الشوامخ وإنت داني إترك القول الهزيل=جعل يفدا المحصنات آلفين مثلك إمعه