بسم الله الرحمن الرحيم
يسعدني أن أقدم لكم مايتسنى لي بتدوينه قدر المستطاع من قصـائـدي
في هذا المنبر الشامخ بإدارته ومشرفيه وأعضائه العزيزين والوافين
وأسأل الله أن يرزقنا القبول ولكم خالص تحياتي
محبكم / ماجد بن عواد السعدي
1_ (الوقت هذا يكفي الله شره)
قــال الأديـب اللـي ليـامــن غـنــى
يعـكـف رقـاب أهــل الغنى بإبـداعه
يالـله يالـمـعـــبــــود لاتـخـــذلـنـي
عن مارد أهل الطيب واهل الطاعه
وجمـلنـي لـيـا جـت عـلي الشرهه
وتفـكـنـي مـن هـالـزمن واوجـاعه
وتعــزنـي في مـوقفٍ يحـسـب لي
لامـن رمـــى راع القنـاع قــنـاعه
واصبح عقب ماهـو بصفـي ضـدي
وتغـيـر اسـلـوبه مـعـي واطـباعه
الـوقـت هــذا يكـفــي الله شـــره
ياكــم رفـيـــقٍ لـه رفـيــقٍ بـاعه
من عقب ماهو يرتجي في شـوفه
طـغــت عــليـه النيـه الطــمـاعه
ياللـه تـرحــمــنــا ولاتـبــــلانـا
ولانصـبح لوصل الرحم قـطـاعه
وطالـبــك يـارب الـمـلا تهديني
وتـدلـنـــي للـحــق قـبـل الساعه
ماجد بن عواد
2_ ياصاح لاتشكي جروح المحبين
ياصــــاح لاتـشــكــي جــروح المحـبين
الـجــرح يـــرث جـــرح لامــن شـكــيته
كم واحــــد ٍ قــفـــى وأنـا طــالـبــه دين
وأنـا مـعــه حــق الـصــــداقــــــه وفــيته
وكـثـيـــر فـي قـلـبـي من النـاس غـالين
لـكـن تــرى مـنـهــو نـســانـي نـســيته
وتــرى الـغــــلا مـثــل الــزهـر بالبساتين
مــع الـبـطــــى يــذبــل إذا مـاســقــيته
ولاتحــســب إن كــل الـخــلايـق مـودين
تـــوك عــلـــى درب الـعــمــر مامـشـيته
بــاكــــــر إذا عــــمـــــــرك تـعـدى ثلاثين
تـشــــوف عــيــنــك واقـــــع ٍ ماهـقـيته
اللــي تـظــنــه زيـن يـبـدي لك الشــين
وتـنــدم عـلـــى وقــــت ٍ بـجـبنه قضـيته
وتـشــــوف شــي ٍ مــنـه تشيب العين
وتـقــــول أنـا يـالــيــتـنــــــــــــي مــــارأيته
بعــــديـن تــبــدي لـك لـيـالـيـك بعدين
وتــدرك حقــيـقـة هرجي اللي حكيته
وأنـصـحك أنا ياصاح صحبة هل الـدين
الـكــــــل مــــنـــهــــم لابـغــــيـــــتــه لـقــيته
وأنصحك خلك في صفــوف المصـلين
وإطـلــب إلـه ٍ يـسـتـجــيب إن دعيته
والـعـمـــر رحــلـه والمــراجــل ميادين
والـطــيـب كـــايـد لـكـــن إنـي بـغـيته
أسعى مع اللي دوم للطيب ساعين
والـلـه يـحــقــق لـي مــــرام ٍ نــويته
ماجد بن عواد