اناقصة خيالية كتبها هالزمن عني

يجون افواج في دربي ومنهم يمتلي متني
واهز اكتاف جيتهم ويبقى لونهم ساده
عليهم من ملامح غربتي اشياء تشبهني
شتات وبعثرة احلام وليل فاقد وساده
تسلوا في طرف ليل الغريب وماسلى حزني
وخاطوا للفرح ثوب جديد ماتت اعياده
سوالفهم عن اسباب الرحيل المرتتعبني
وانا صارت مسافات الرحيل لغربتي عاده
خطاوي رحلتي يم البعيدالرحب تاخذني
وهم صارت خطاويهم تعثربحلقة اقياده
مثل حلم المنام الي اذاجاالصبح يهجرني
ياكم احلام كذابة تمر الشخص برقاده
تخالف هالنوايا الي بوجه الليل مرتني
كثير اسماء مرتني تعس القلب شداده
يحسبون الطريق الي تغربته يقربني
وانا ابعد من البعد البعيد وكل ابعاده
انا صعب على الي يقتفي رجلي ياصلني
يتيه بهالصحاري لين يفقدشربه وزاده
على رحلة حياة دربهابالحيل يبعدني
محطات الشقافيها تهد حيول كداده
اناقصة خيالية كتبها هالزمن عني
حكاية ليل يرويها كبيرالسن لأحفاده
واذانامت عيون الكون طواهاواعتذرمني
يقول الليل يجمعنا على الميعادياساده





خالدالتميمي