حكاية حب


طلبتي ارسمك صورة
على اكبر مساحاتي
طلبتي آخذك دورة
على اطول مسافاتي
طلبتي اعشقك واكتب
على دفتر حكاياتي
طلبتيهاقصيدة حب
تجين بكل ابياتي
فعلا
خذيت اقلام منثورة
لقيت اقلام مكسورة
ابيها تكمل لصورة
ابيها من خيالاتي
فعلا
اخذتك للهوى مشوار
وبك شوق المحبة طار
عطيتك مجمل الأسرار
ابي تلمس معاناتي
فعلا
كتبت اللي طرا في البال
عن اللي صابه الزلزال
ابيها تذكر الأجيال
وترويها حكاياتي
فعلا
نظمتك للغلاابيات
ولحنتك على النغمات
وغنيت اللحن آهات
ابثه في محطاتي
خسااااااااااارة
لقيت الصورة مقلوبة
وكاسيهاالجفى بغبار
غرامي تاهت ادروبه
خسارة كل هالمشوار
دفاتر عشق مشبوبة
وماباقي لهاتذكار
قصايد حب مكتوبة
نسيتي كل هالأشعار
تعااااااالي
تعالي نعلن التوبة
عن اوقات الجفى ونعود
ونلبس للغلاثوبه
ونكسي حبنا الموعود
تعااااااالي
تعالي نرسم الصورة
وناخذفالهوى دورة
ونصبح قصة مشهورة
واعيد اكتب حكاياتي

خالدالتميمي