يا الله عليك اتكالي =يا عالماً بالغيوب
يا عالماً بالنوايا=يا الله عليك اتكالي
يا واحداً لا دعيته =فرج علي الكروب
ويارازقاً البرايا=ما غيرك الله والي
بأمرك وتدبير كونك =ومسيراً الهبوب
يا مروي روح الضمايا=بمزون سُحباً ثقالي
يا خالق الكون كله=شمس العصر للغروب
يارب جزل العطايا=كريم رب الجلالي
كريم عفوك ولطفك=تغفر جميع الذنوب
عبدك مُحمل خطايا=كثر الشجر والرمالي
أنت الرجاء يا إلاهي=مالي ملاذ وهروب
العُمر أناخ المطايا=وما عاد في احتمالي
عبدك ضعيف المساعي=مُذنب ويبغى يتوب
يشوفها كالمرايا=حقيقة ما هو خيالي
العُمر ساعة وساعة=وكل شي محسوب
يوم نُبعث عرايا=وتحقيق عند السؤالي
أنت الغفور الودود=وماعنك شي محجوب
إرحم جميع الرعايا=يارب حقق سؤالي