السلام عليكم ورحمة الله وبركاته
مدري علامك ياهوى الرووح تعبان=كني اشوف بجوف قلبك شبايب
مرت ثلاث ايام راضي وزعلان=أحيان اشوفك واكثر الوقت غايب
كنك جريح وتكتم الروح بأحزان=وضح ولاتخفي جروحن عطايب
ودي اشوفك وانت بالدوم فرحان=ودي اشوفك رايق البال طايب
ودي اشوفك بالسعد اسعد انسان=ماودي المح فيك حزن ولهايب
يانور عيني أفتحي قلبي الآن=شوفي ترى من غيرك انتي حبايب
ماراح يابنت الاصل غيرك يبان=قلبي بدونك قبر فيه النصايب
قلبي وقلبك والهوى عازف الحان=قلبي وقلبك نحمدالله قرايب
حبك بقلبي لو يوزع للاوطان=ماكان شفتي فالخلايق مصايب
حبك بقلبي ورد من كل الالوان=والورد فيه العطر يابنت ذايب
بنثر عليك الورد والورد عنوان=لأصل المحبه والمحبه وهايب
شكلي بنزل حبك اليوم باعلان=خله يذيع وتنتشربه هبايب
ماعاد الي في باقي الحب كتمان=حبك مدخلني بدنيا العجايب
وسلامتكم
زيـــد العتيبي
ساعد في نشر والارتقاء بنا عبر مشاركة رأيك في الفيس بوك