كل ماذعذع الغربي وهبت هبوب
جت هجوسي بموعدها وحزاتها
جتني الشارده بافكار من كل صوب
جت تسابق بنات الفكر بابياتها
وين بالقاك ياللي فالمواقف تنوب
فالمواقيف يعرف وقت ساعاتها
ابيض الوجه سمح وبالجناب محبوب
من سلاطين روس القوم ودهاتها
ماذكر عنه قالو خبل ولا كذوب
مرتفع عن هل النمات ورواتها
ابلجن مجلسه مفتوح وصدرن رحوب
عف نفسه عن الدنيا ولاذاتها
متعب الرجل ماضاقت عليه الدروب
يعشق الطايله ماتهم صعباتها