يالله أجعلنا على سنة محمد نسير
أنت علأم السراير وسري تعلمه
ياعزيز الجاه يالله يالرب القدير
تقسم الارزاق بامرك ورزقي تقسمه
هذي الدنيا بها أحدن غني واحدن فقير
والغني والله من طاع ربه ورحمه
دندن الهوجاس ناداء الفرزدق للجرير
دن صدري والهواجيس جت بالملحمه
هذي أفكاري دعتني ولادري وش يصير
وان دعتني للمواجيب طيب ومكرمه
نسبح بحور المعرفه وأنا بحرن غزير
والبحر لازام ماقدم جاله يالطمه
مثل ماقالو شجيعآ معه سيفن شطير
فالمواقف مارتعد عضم ساقه وقدمه
أستشير الطيب اللي يشار ويستشير
الصديق الصادق اللي حزامك محزمه
والردي أبعد عنه لا يجار ولايجير
الردي يالبس قناع النذاله ملثمه
وأن حداك الوقت وردك على النذل الحقير
مابنيته في حياتك ياحاول يهد مه
وسلامتكم
شعر/ عيد الوطن