لا طاب لي خاطر ولا طاب لي كيف
عفـت المنـام ودي أمشـي الحالـي
كني معزب والسهـر عندنـا ضيـف
ياخـذ سنـه ولا شهـور وليـالـي
من سبت اللي غاب عني ولا شيـف
يالله دخيلـك مـادراء وش جرالـي
عهديبهـم العـام فـي أول الصيـف
يومه رحـل وقفـا وشـد الرحالـي
سود اليالي ماعطتنـا علـى الكيـف
و كم فرقت مابيـن غالـي وغالـي
مـرن توردنـا بحـور المجـاديـف
ومـرن توردنـا علـى جـو خالـي
ومرن نعدي فـوق روس المشاريـف
ومرن تعرضنـي هبـوب الشمالـي
مافادني رجـواء الامـل والسواليـف
حتى الاجابـه تعتـذر عـن سوالـي
وهذي سوات أهل القلـوب المواليـف
تسوقهـم سـوق الرشـا للمحـالـي
شعر
جفين بن ناصر