والله اني عارفٍ مابة جديد=غير همٍ كل يوم استقبله
مايلين روس لين له حديد = واحتوى وضع اليال المقبله
كيف برجي خير والدنياء جليد=كيف بحلم والمصايب مسبله
كيف بصبر واتحمل في المزيد=واليدين من الحلول مكبله
والله اني عرافٍ حظي فريد=وشايفٍ هذي ثمارة مذبله
كل ليلة من مزيدٍ في مزيد=من ومن غدر اليالي مخبله
اختلط دم المواجع والصديد=وكل ماضخت بجسمي يقبله
مالي الا الصبر يالحظ العنيد=وكيف ما كان القدر بستقبله