07-29-2018, 03:59 AM
|
|
|
اشتقت لك
البارحه
كان الزمن .... مـر و صعب
خوف و تعب
والساعه إللي .... عـ الجدار
كانت تشير ... الثالثة
كانت تبلّغني رسالة بإختصار
كانت تقول
كل الليالي إللي مضت
في غيابها ...مرت دهر
كل الدقائق
بعدها تُحسب عُمر
وانت مافكرت...لو مره تقول
(اشتقت لِك)
رغم السهر
اليوم لك عنها ... شهر
كانت تقول
اسمع صدى نبض ... المكان
يهز وجدان ... الزمان
محتاج يشعر ... بالأمان
وانت متردد .. كثير
خلك جريّ.. مره وقول
(اشتقت لِك)
وش تنتظر
قاطعتها ... قلت اسكتي
لوتعرفي .. يوم الوداع
من عقبها حالي ... دمار
والعقل صابه ... إنهيار
من يومها... للحين
والقلب يبكي بَعدها
والعين تشكي بُعدها
والروح .. وين الروح
حلّــــت عندهــا
ودي أناديها وأقول
(اشتقت لِك)
ياأعذب أبيات الشعر
ودي أكلمها وأقول
(اشتقت لِك)
ياأجمل أيام العمر
قالت وش إلي ... يمنعك
تسأل عليها ...... لايكون (.....)
قلت ... الوعد
والخوف من باكر ...بعد
عهد عطيته يومها ..
حلفت ما أخونه ... أبد
بس الأكيد
الحب في أعماقي ... يزيد
إحساس في نبض ... الوريد
في دنيتي يبقى ... الوحيد
وهذا أنا
لها فقط ... أبقى أنتظر
يمكن تجي
من كثر شوقي ... والحنين
أصرخ وأقول
(اشتقت لِك)
يا أغلى من كل ..... البشر
ساعد في نشر والارتقاء بنا عبر مشاركة رأيك في الفيس بوك
|