أنا مشتاق يالغالي على باب الهوى عدّيت = أنا محتاج بس نظرة تبادلني من عيونك
علامك من زمن ياصاحبي لاجيت لامرّيت = ولا تسئل عن أخبار القلوب اللي يحبونك
ذبل كل الهوى دامك زرعت الزرع ماسقّيت = وطارت كل عصافير المحبّة كي ينادونك
تعال وغير الدنيا وحقق كل ماتمنّيت = تربع في وسَط قلبي تربع بس على هونك
كفاية يابعد عمري .. من الهجران ماملّيت ؟! = تجاهل كل عدوين الوصل واللي يصدونك
أنا كل العوائق بيننا قاومت واتحدّيت = لأن القلب واحساسي صعب يبقون من دونك
عيونك معْ حواجبها بعمري لجلها ضحّيت = بعد ماشفت بسماتك عشقت وصرت مجنونك
توقعتك بتعشقني على باب الوهم دقّيت = وعشت الوهم وايامه غريب الدار في كونك
وبادلتك احاسيس الوله والشوق ماخلّيت = بقلبي أي زعل يامن صبغت العشق من لونك
يعذب قلبي فْراقك من اوجاع البعد ونّيت = وقلبك عايش ومرتاح وناسي اللي يحاتونك
وبين اضغاث حلمي والحقيقة للأمل شدّيت = حبال الظن عل الشوق والذكرى يردونك
ومادام الامل موجود باب اليأس قد صكّيت = شغاف القلب واحساسي أبد ماظن ينسونك
تراني منتظر ردك اذا لي خاطر(ن) ردّيت = واذا ناوي على فْراقي أنا باظل مسجونك
ترى في القلب لك وحشة ولك ياصاحبي حنّيت = انا محتاج بس نظرة تبادلني من عيونك