والله لو مانـي بهـدي ومشغـول
لشـد للحـره طليـق العنـانـي
لاقول قولن يعجب الناس معقـول
عبر الاثيـر ومركـزه بالمحانـي
راسي كما ظلعن تلاقت به أخيـول
اليـا تلاقنبـه هجـوس ومعانـي
جتني هواجيسي سريعات وعجول
ولاجن على راسي وأنا في مكاني
وأمسيت أنا كني عن الناس معزول
في معزلن بيـن الرجـا ولامانـي
أنا أدرين الوقت ماهـوب ماسـول
عن الظروف اللي زمنهـا حدانـي
وقتن غريب ولا لقينا بـه حلـول
وكم واحدن عشره تعـود ثمانـي
يروح مرسولن ويقفـاه مرسـول
لارد علـم ولاقضـأ لـي شانـي
قلت الحقيقه دونها الباب مقفـول
محفوظتن بين الصـدر والسانـي