طال الزمان وكل يومن وأنا ارجيك

وخليتني مابين غدره ولومه

كان الجفا والصد والهجر مرضيك

بيني وبينك الحياه معدومه

لو طالت اليام ماني بناسيك

ياصا حبي يابو الترف والنعومه

قلي وش اللي تطلبه زين وارضيك

أخذ الثرياء والقمر مع نجومه

يانور عيني راح قلبي مخاويك

واللي سواتي لاشكا لا تلومه

ويش اللذي حدك تسويبنا هيك

وألامن سايد والبلاد محكومه

وأنا على طول الليالي مصافيك

ومتحملن ضيم الدهر مع همومه

وأن بارت اليام وأحتجت غاليك

عريب جد وماشين مع سلومه