والله لو مانـي مع الوقت مشغـول
لشـد للحـره طليـق العنـانـي
لقول قولن يعجب الناس معقـول
عبر الاثيـر ومركـزه بالمحاني
راسي كما ظلعن تلاقت به خيول
اليـا تلاقنبـه هجـوس ومعانـي
جتني هواجيسي سريعات وعجول
ولاجن على راسي وأنا في مكاني
وأمسيت أنا كني عن الناس معزول
في معزلن بيـن الرجـا ولامانـي
أنا أدرين الوقت ماهـوب ما سول
عن الظروف اللي زمنهـا حدآني
وقتن غريب ولا لقينا به حلول
وكم واحدن عشره تعـود ثمانـي
يروح مرسولن ويقفـاه مرسـول
لأرد علـم ولاقضـأ لـي شأني
كم من اسيرن دونه الباب مقفول
مكن اله فوق البسيطه مكاني
الوقت له دورات والسر مجهول
وهذي طبوع ايامها والزماني
نعدي وراءالايام حولن وراء حول
وساعاتها مثل الدقايق ثواني