صفى نبع الوفا منى // ونبعك كدر المشرب=وجيتك رافع الرايه// وجيت ابسيفك امضارب
قضيتك قسمة ٍ ضيزا// جمعت اطرح ولى تضرب=دخلت البحر لعيونك// سفينة حب والقارب
اشوفك حلمي العابر// اشوفك لى امل واقرب=مثل من يرجى المولى //شهاده يومه امحارب
يصيح الليل بغيابك//ينادي الشرق للمغرب=تنكس لك عيون الشوق // بقلب ٍ صار متضارب
اخاف البعد من حبك// عيون ٍ دمعها سرب=غشاه الدمع باسبابك//من اللحيه الى الشارب
ربيع القلب هو شوفك//خظار القلب له يطرب=زماه الوسم من وسمك//وعشبه صار متقارب
تمنيت اسمى بشفاتك // حروف ٍ ودى له تعرب=تمنيت الهوى كاس ٍ// فكفك لي وانا الشارب
تحكم بي مثل (Federer)// الى منه مسك مضرب=وتحكمنى كما القاضى// على المسجون والهارب
عجب لله فى خلقه // ولا من خلقه استغرب=يغيض اللى مثل جنسه// بسيف من الحلا ذارب
يبرمجنى غلا شخصك// على التشويش يتكهرب=اشوفك عرش مع بابل// وسور الصين مع مارب
تبعتك بالغلا ورد ٍ //تبع شمسه قبل تغرب=واشوف ان القمر انتى // طبيعى مانى متغارب
خلاص الحكم في يدك// ولا قادر على المهرب=بكلمة حب منك لى // تروض كيفى الخارب
ماعد اسأل طيب الحب //اذا من حبك امجرب=سهوم الموت بغيابك// على المتنين والغارب