الجارية

آه...

يالشعرج فرس عطشانة تصهل

بشعرج أعله متوني طشي

وخل أهد جناح خوفي بعيد أطير

أدري بالصياد حط عينه أعله عشي

وماكو داعي تراجعين إوياي قائمة الحساب

البيني وبينج طويلة

ولو... ماسددتي كلشي

بس أذكرج قبل كلشي

أنتي جنتي جارية بعصر الضياع

ومن عتقتج

ليش وي أصغر جنودي

تراهنيتوا تهدوا عرشي

ياهظمتي

وياغلطتي

توسدت منجل محبتج

ومن فتحت عيوني لن ذابحلي هرشي

ولج جا هاي الأمانة

بعدد أيام عمري

سهام ترمين أعله نعشي

وآنه ميت

لو أحس عذالي يوم إوياج تمشي

صدكي ألم روحي بديه

وأدخل بعيني

وأطيحن دمعة من جروف رمشي

(فلانة)

لو أعرف بطبعج طبع هندة

بيدي جنت أنطيج جبدي

وماكو داعي تكلفين بقتلي وحشي

مابنكسر صااابر
تسلمين والله خيتي الغالية
ماعليج زود
ربي يوفقج