كفكف دموعك واترك الفجر هادي=ماتت عصافير الغلا لأجل الاغراب
لكن سؤال ان كان ماهو بعادي=فرقاي عن عينك لو الدمع سكَّاب
اجلس وفكر يوم انا اجيك شادي=احباب وش تعني إذا قالوا احباب ؟
الله يسامح دمعتك يامرادي=طاحت وفا لكن !! بعد فاس حطاب

الله يسامـح دمعتـك يـامـرادي=طاحت وفا لكن !! بعد فاس حطاب
ياليتها طاحت علي يوم انادي=وانا مابين النار والغار والداب
ماكان خليتك مع الهم غادي=ولاسهرْتَكْ لين ماناظري شاب
لو طاح قدرك من هذاك التمادي=لك في محط الذاكره طيف ماغاب

:)

بحل وسموحه ومن دون حقوق النقل بعد

مافي الا حلالك يالنجلا

احترامي ياقديره..

تقـول العـرب نسل الكحيله يجيب حصان=وانا من زمن كفي مـن العُـرْبْ مغسوله
زمان وغـدى فيـه الرويبض حكيم لسان=يصلي الضحى والليل يرقص على طبوله
توهـم يظـن انه خـذى الـوزن والـوزَّان=عقيـم ..وْ وضيـع..الفـكر وايديـه مشلـوله
توهم ولا يدري عن العـرش والسلطان=بكـف الـذي...هو تاج...عبده...ومرسوله

هالشموخ اللي تسمينه شموخ=عبرة ٍ في وسط جوفك حايمه
والرضوخ اللي تظنينه رضوخ=غيمة احساس ولفت لك غايمه
والرسوخ ان كان تبغين الرسوخ=حسرة الخافق ونفس ٍ شايمه
يوم كنتي بس يابنـت الشيـوخ=زهرة ٍ فـي قلـب خلِّـك نايمه
مهدوا لك أول دروب المسوخ=وطيروا باسـم النقـا حمايمـه
وألبسوك مْن الغلا بالكذب جوخ=والنوايـا فـي رداهـا عايمـه
لين حوَّل ساكن الجـوزا بكـوخ=بين بيَّـاع الضميـر وسايمـه
خطوة ٍ تاقف وعشره بك تنوخ=في وحل سود الوجيه الهايمه
كنت اباانسى مامضى لكن تفوخ=دمعة ٍ بين المحاني دايمه
لوملكتي عزة النفس البزوخ!!=ماقربتي للعدود الضايمه!!