منتديات مشاعرهم الادبية

منتديات مشاعرهم الادبية (http://moh99d.com/vb/index.php)
-   قـــســم الـــدواويــــــن
(http://moh99d.com/vb/forumdisplay.php?f=52)
-   -   ديوان الشاعر//محمدخير احمد المهيدات (http://moh99d.com/vb/showthread.php?t=19458)

محمدخير المهيدات 03-17-2013 09:25 AM

ديوان الشاعر//محمدخير احمد المهيدات
 



امانه يا بعد عمري
********

غدينا في وسط صحراء وعطر الكاد والقيسوم=ودرب الشوق يالمحبوب والامال تشفينا
امانه يا بعد عمري تسامح حبنا المظلوم = تمزق عهده المكتوب قبل ماهو يبكينا
تشوف سهيل والقمره وحرقة طفلك المحروم=وقلبي وقلبك المغبون وحال العشق يرثينا
رسمتك في سما الخالق داخل عالمي المكتوم=وسجنت الهم في صدرك لعاذل شامت فينا
سجنتك في خفا صدري مؤبد حبك المحكوم=تماري في دجا ليلي سنا المبسم يكفينا
رسايل عشقنا العذري وطابع حبنا الموسوم=وسم العاذل الشامت ندوسه في مواطينا
تذكر لليلة اللقيا تذكر والحسان غيوم=سهوم الحب تجمعنا وتنسينا خطاوينا
تبدل حالي في لحظه وكل الحشد صارو نجوم=وعيني جت في عينك تسولف عن امانينا
وسرنا في رحا الجمهور ونذري للحسان الصوم=وكاس المر من حبك عسا الله بس يحمينا
احبك ياما قلتّيها تذكرني بذاك اليوم=وعهد الحب مااخونه ولو حنا تجافينا
ابد منساك يا عمري وحبك وحده المقسوم=ابيك اتشوف وش صرنا وكيف احنا تحاكينا
واصبح حالنا مزري خرابه مسكن(ن) للبوم=امانه يا بعد عمري عيش الفرح وانسينا

محمدخير المهيدات 04-18-2013 08:43 PM



عناقيد المحبه
************
يا شعر يلي تنتهي بموت البدو=بسال اذا طرقك بعد موتي بكا
بسال اذا عزّك بعد عزّي عدو=ولّا شدا شاعر بقافك او حكا
مثلك انا يا شعر فينا غرّدو=كل القصايد والحكاوي مثلكا
ثم قفلو باب المحبه و شددو=مليون حارس من على بابه وكا
والله لو عمري لاجل عمره فدو=ماهمني جيش(ن) على ساحي عكا
دام المطايا سستها لاجل العدو=ما سستها لاجل التّمرّغ والرّكا
كفّي اذا لوح لهيفا يشهدو=لجّة حوافرها ولجّات الصّكا
دامي على روس المعالي نرعدو=ذيب(ن) اذا يسطي عليهم قد نكا
لكن بودّي بالسّلامه يبتدو=وانصير نجمه وبدرها وسط الزّكا
نحكي حكاوينا بلوحونك ننشدو=تطرب مشاعرنا ولو قلبي شكا
من جرح غاير بالمحاني نمهدو=درب السّعاده والمحبه لو تكا
تزهر مغاريسي ولو عني غدو=واقطف عناقيد المحبّه بالاكا

محمدخير المهيدات 04-19-2013 07:25 PM


كم ذكرتك
*******
في غيابي يا غرامي ماتت ازهار المحبّه=والليالي في رحيلي سادها صمت الوجود
والألم هزّ المحاني والوجع كاسن وصبّه=من سموم البعد اجرع والجّسد صابه برود
كنت اظن الحبّ نعمه يسعد العاشق بدربه=خاب ظنّي يا حبيبه والاماني لي شهود
صرت لازم الفي يمك يا نبض قلبي وطبّه=يا ملاك الحب عندي صرت لازم لك أعود
وانتي ادرى الناس بيه وش فؤادي وش بلبه=طيفك اللي ما بقا لي من حروفك والعود
كم ذكرتك في غيابي مبتسم لكن بكربه=والمشاعر يا شعوري داخل الخافق جمود
لا بغيت ارحل لشرقه شدّني طيفك لغربه=وارتضينا بالتمنّي والعشق ذبذب صعود
بين صكّات الأماني والمحاني فيها حربه=والظلام احجب فضاتي والأسى جيش حشود
ما ذكرت الّا كلامك كم احبّه كم احبّه=من تقولي يا حبيبي دونك العالم سهود
يسرح الخافق بحبّك والمنى يصبح بقربه=والمشاعر يا شعوري نفحها نفح الورود

محمدخير المهيدات 04-21-2013 09:23 AM


خلوج وفاقده لحوار
********
عشقت السيف والفنجان والدله=وحب الليل والسهره مع اصحابي
وجوب البر والمجلاس في تله=اقيل من تعب تسنيد الصعابي
لأن البر والمزيون والعله=ثلاثه يحتوي صدري مع اطلابي
ثلاثه تشتكي من حظها قله=بتاريخ الهوى والرّيم لعابي
يموت القلب والمخلوج في حله=من وعوده من اكذوبه من اعجابي
لأن الزين هالمزيون ابو كحله=مهو فاهم معاناتي من اعتابي
معنّي اذكره كل حين ماملّه=وناظر جسمي المنحول واسبابي
وقلب صفحة الاوهام في باله=ودز الشوق والازهار وكتابي
عسى نصبح كيتم البل والقاله=خلوج وفاقده لحوار نحّابي
نضيرها ونقطع دابر العله=ونجمع شملهم لثنين بكتابي

محمدخير المهيدات 04-21-2013 09:26 AM


على ذيك الدّروب
**************
على ذيك الدّروب اللي مشيناها بلا تخريب=رسمنا قلبه وقلبي وحرفينه بلا تشهير
كتبنا وسط هالرّسمه عهودن ترفض التّغريب=تغرّبنا تباعدنا تراسلنا بلا تاخير
أحبّك ياما قالتها وبسمتها هلا وترحيب=وحبّات البرد عضّت عنب احمر وفمّ اصغير
ولولو عينها تمطر علاج القلب والتطّبيب=سقت نرجس عذاك الوجه نظراته تبي تفسير
تقول الشوق في طبعه يحبّ البعد والتعذيب=متى يصرخ نبض قلبك ويطلب حبّنا تحرير
متى نصبح انا وانته حلاة العشق بالتقريب=ونفحات العطر نشتم من اشواقي خذ التّعبير
وانا عيني عشيباتي وعمري ضاع بالتجريب=طلبته الف بالميّه وسوء اّلألف بالتّقدير
ودام انّه بيسألني عيوب الحب تبي تصويب=عوايدنا وعوايدهم جبل شامخ يبي تدمير
متى نرجع لذاك العهد ننفي عادة التّصعيب=ولد عمك اهو دمّك وانا الاطياف والتّفكير

محمدخير المهيدات 04-21-2013 09:29 AM



على بابن عتيق
*************
ليتهم قبل المفارق عاتبوني=كان ما سرنا على ذيك الطّريق
حمّلوني بالخطايا وكذّبوني=صدّقوا كذب العواذل والصّديق
كذبوني والخيانه نصّبوني=وابعدوني وارتمينا في سحيق
والألم زار المحاني وقرّبوني=لاجل تسمع نبض وانفاس وشهيق
من عنى قلب(ن) يصارخ عذّبوني=بعدّما كنتي لأحلامي شقيق
عذّبوني واجرحوني وعطبوني=والأمل سابح بدمعاتك غريق
ليتهم قبل المحبّه جنّبوني=عن هواكم عن زهركم والرّحيق
ازرعوني فارضكم ثم حطّبوني=واشعلوا ساقي واغصاني حريق
هدّموا بيتن بنيته ونهبوني=طيّروا طير الغباين والنّعيق
من أجل حبّك ي/حبّي حاسبوني=وانحفر اسمي على بابن عتيق

محمدخير المهيدات 04-21-2013 09:38 AM

خفايا بيتهم
*********
ابني القوافي عالبحر وبحر بلا دفه وشراع=وحذر معاني المفرده احذر اجاري افتهم
افهم قوافي بحرها ما طالبه لاجل الصّراع=هاجس طرالي لجلكم لا ما أُسجّل متهم
وانثُر قصيدي بينكم نثر انكسارات الشعاع=كاتم بصدري عنكم نارن بقلبي تلتهم
اكتب على بحر الحدا مستفعلن مثنا ورباع=غنّو على بحري معي ياحظّهم يا حظّهم
ظاهر خفوقي مبتسم أخفي متاهات الضياع=كلّه عنا كلّه شقا سبّت شقايا بنتهم
كاظم بصدري عشقها انفي خبرها لو يذاع=متملّكن قلبي غصب ريم الفلا يا سعدهم
عاشق لفا مستسلمن سمعا وطاعه بنصياع=هلّو بمن جا لجلكم ناوي يتوّج عشقهم
سنة رسوله يالخلق هاذي الطبيعه والطّباع=اما الغريبه عندهم طالب لها رجلن شهم
واردى خفايا بيتهم قطّة غنم والام راع=بوها يقرقع بالفلا يرعى مفاطيم البهم
قصّه عجيبه يا بشر اول عشاشيقي ضباع=وآخر معاناتي طعن جرم الخيانه أُتّهم

يقرقع: والقرقعه معروفه للجميع لكن عندما يتبعها
مفاطيم البهم يصبح هنا المقصود مرياع الغنــم
وهو الكبش الذي يوضع برقبته جرس ويكــون
لقيادة القطيع فقط لا غير ولا يتزاوج.

محمدخير المهيدات 04-21-2013 09:43 AM

انا صمت الزمان
***********
حياتي لحظه من فظلك كفايه نسترق لنظار=كفايه تبتعد عني وقربك صدق يكفيني
اذا ممكن تحاكيني ونزيل الشك والافكار=ونشعل للامل شمعه اذا ممكن تلاقيني
وننهي سالفة هجرك كفايه قولتك اقدار=مع اني اعترف فالبعد هجرانك بيشقيني
ثلاث عقود والرابع وانا جالس اسج اعذار=ثلاث عقود والرابع رسايل منك ما تجيني
تجي نرسم على بابي وعلى باب الامل تذكار=عسى لشتقتي للماضي تجي للباب تبكيني
انا صمت الزمان اللي قليل الرعد والامطار=كسير الوجد في بعادك الا ليتك رويتيني
ذبل غصن الامل فيني وماتت فرحة الازهار=ذبيح القلب في غيابك الا ليتك شفيتيني
وانا صاير شبه ريشه في هبَ الريح والاعصار=بلا حيله ولا قوه بمرمى الصد رميتيني
وانا نبض الخفوق اللي طعنته بخنجر الاسفار=وصرتي بداخلي ذكرى كفايه انك هلكتيني
على ذي الشاكله حبك يبس فيني كمالاشجار=وسط رمضا خفوق اللي بغيباتك قتلتيني

محمدخير المهيدات 04-21-2013 09:48 AM

انقضى عام(ن) وأكثر في مشاهـده الفضيعـه
والألم هزّ المحانـي والصّمـت والله جريمـه
لو مشيناها لشرق(ن) صيحـة الأمّ ورضيعـه
ضف لها دمّ المشايخ ضف لها جور وظليمـه
ضف لها صمت العروبه ضف لها كذب وخديعه
ضف لها خرق المبادىء ضف لها قولة سليمه
وينكم ياهل الحميّه؟ وينكـم ياهـل الفزيعـه؟
دمّنا يـروي الأماكـن مـا سمعنـا الّا أليمـه
كلمة(ن) صارت تردد ضف لها كلمـة شنيعـه
بعضكم قال وتحسّب والبعض صمت العقيمـه
والقتل يمنى ويسـرى والقهـر زاد الفجيعـه
والعفو ان كنت قادر بالعفـو قـدر(ن) وقيمـه
لا جنح لسّلم أجنح! لكـن حصونـك منيعـه؟
سلمهم فيه المذلّه سلمهـم مـا فيـه شيمـه
وينهم ربع المراجل؟ وينهـم ربـع المنيعـه؟
الصّمت ذلّ وأهانـه فـي مصايبنـا الوخيمـه
حلّها بيْـدِكْ أمركـا؟ دوّري حكـم وذريعـه!
للّذي راسه توطّى تحت الابيـض يـا فهيمـه
للّذي صفّق وصفّـق واللـذي صفّـق نبيعـه
كلمة(ن) قوليها قولي ينسفوا ارضّـه وديمـه
خوفنا منّك ي/شمطـا أَو مدافعـك الوضيعـه
احذري درب المنايا احذري راعـي الشّكيمـه
حلّها بلجـم الأصايـل افهميهـا يـا وقيعـه
موتنا لاجل الشّريعه في عدن عيشـه كريمـه
ديننا ماهو بلعبـه احـذري ضيـق الوسيعـه
واحذري كاس المراره واحذري ذنب الجّريمـه

لو مشيناها شرق : المقصود هنا ( سوريا )

كلمة(ن) قوليها قولي : المقصود هنا ( الارهاب )

محمدخير المهيدات 04-21-2013 09:58 AM


أما للحب محكمة
********

زرعت القلب بالاشواق والامل=لفاتنة من الاريام كالسحب
تهز الوجد كالانغام تطربه=فزاد الشوق والتحنان والطلب
لأسرة لها الاقمار خاضعة=هي الشمس اذا مالشمس تحتجب
لأن البدر ساطعة انارته=اذا لمحَ بريق الخد ينجذب
وسحر الثغر باسمة نواجذه=بزوغ الفجر والاشراق تحتسب
ونفح العطر بالارجاء همستها=يغار العطر من انفاسها عجب
فصار العشق للغيداء مقتلة=ودمع العين من احداقها سكب
فقيس مبدع الاشعار نذكره=قتيل العشق في البيداء ينتحب
أما للحب محكمة لتنصره=بوقت يقتل الاريام ينتهب
شعور يلهب الاشواق منبعه=صغير الوجد والاحساس يغتصب
فهبوا يا بني الاشعار والادب=لقمع الظلم للعشاق والشَّجَب
لعشق خالق الاكوان واهبه=فكيف العيش والعشاق يُحتطب


الساعة الآن 09:59 AM.

Powered by vBulletin Version 3.8.9
Copyright ©2000 - 2024, Jelsoft Enterprises Ltd
Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
new notificatio by عــراق تــ34ــم