|
للبُعد ناعي
للبُعد ناعي تأخر عن مواعيده .. والشوق لازال ينهشني بمخلابه مليت يا فقد طعم الصبر ما اريده .. في حضرتك كلها الأيام تتشابه القلب يحرق ضلوعي من تناهيده .. والعقل من غيبته واقف على اعصابه هو مالك القلب هو راعيه هو سيده .. لا تعذلونه إذا ما خط اعجابه أشوف في نظرته مليون تغريده .. فيها جنين الوله يبكي على ما به ضحكة شفاته تشيل الهم و تبيده .. وتبدله بالفرح وتشد أطنابه دايم معاه الفرح ينشد أناشيده .. يحلا به الضحك ولَّا الضحك يحلا به سيَّان ما بينهم والصعب تحديده .. حي الفرح يا غلاي وحي من جابه يلفني بالحنان لحضن تنهيده .. ويلمني والدفا ثوبه و جلبابه حبيِّبي في المحبة موقفه سيده .. لو عاند الحظ أو بادر بإرهابه يحبني لو طواه الفقد في قيده .. وجه الغلا لا غزاه الفقد يرقى به وآنا على ما يبيني حب وأزيده .. وحده حبيبي أفكر فيه و أسهى به لا تعذلوني غرامي صعب تحييده .. هذا حبيبي ولا يهونون أترابه وشلون أنسى ودافي لحظتي بيده .. أعيشها في وجود الناس و غيابه وشلون والذاكرة تقطف عناقيده .. والروح ما فارقت من يومها بابه يومٍ بدونه وعهد الله تأبيده .. الموت أرحم ولا .. هـ الفقد .. أحيا به |
أبدعت و أمتعت
صحت روحك و حياتك و دنياك حماك الله ورعاك تقديري |
الفاضل علي السوادي رعاك الله
رائعٌ وجميل شوقٌ كبير وصف دافئ وحنون عاطفة جيّاشة وفاء عظيم واحساس نبيل دمتَ مبدعاً |
حضوور مطرز بالجمال
ابدعت وامتعت سجل اعجابي |
مُحمله بالجمال والابداع
الف صح لسانك وتسلم يمينك دمت بخير لاينتهي |
|
القدير علي السوادي
قصيده مفعمه بالحس المرهف والمشاعر العذبه رغم الالم الذي كسا سطورها الف صح لسانك اخوي تقديري |
صح السانك اخوي علي السوادي ولاهنت
وسلامة قلبك من الآه يالسنافي رعاك الله برعايته احترامي وتقديري المهيدات |
| الساعة الآن 03:48 PM. |