البارحه
 

البارحه حنيت من جد حنيت
وجت لمشاعرهم على البال طاري
ذكرت ناس لبعدهم ماتمنيت
من طيبهم كانو معي بنكساري
يامحمد ال مهيد ياليت ياليت
تسمح واعرف انك على الطيب ضاري
اقدع من حروفك خيال وتقهويت
واقلط على صيتك وحدد مساري
البارحه من قسوة الوقت ونيت
وشبيت في صدري لواهيب ناري
قمت اتوضا واذكر الله وصليت
وعجزت اخبي ضيقتي والعباري
البارحه جتني مشاعرهم وجيت
بالورد احاول يقبلون اعتذاري

صقرفواز

هلا ورحب اخوي صقر وما عليك زود
واخونا ابوسيف محمد آل مهيد يستاهل
واتت تستاهل بعد وليت الايام تعود مثل الاول

صح السانك يالسنافي ولا هنت

احترامي وتقديري

المهيدات

ارحب تراحيب الغيث
مبدع كعادتك
صح لسانك واعتلا شأنك

ابدعت ياصقر

وصح منطوقك الذرب / بحـــر