تضرب عصا امطار الشتا وجنــة الطيـــن=واضحك مع الشــارع لــوجــه الكـــآبـــه

فـــوق الرصيف ودون مــرأى من العيـــن=جــوع القـلم يســرق رغيــف الكتــابــــه

عوّضت عن صمت الاحد.. صوت الاثنين=وأقــنعـت كــل اللي بقى مـن عتــابــــه

عاشت معي أجمــل وصــايــا القـديميـن=ســـؤال مبصــر.. والعـمــى فـ(الاجابــه)

جعلــت في عيـنـي جميــع البســاتيـــن=فـــلاح ..في كفّـــي تعيـــش السحابــــه

نامت معي أكثــر عـقــول المجـــانـيــن=واستـيـقـظـ ـت مني جيــوب الـغـلابــــه

البعــض يقطــف من عيوني ريــاحيـــن=والبـعــض مــايـعلــق عبــق في ثيـابــــه

أقمت في ذا اليوم للــوعي..تــأبيــن=حــاضــر وقتــلى في صحاري غـيـــابــــه

من بعد مايزهر حضوره مع التين =في أطرف الذكرى بنوا له خرابة

متــى يفـــوز الــوعي في جمــع قلبين=.أودع لـهـــا اللاوعــي سقيــــا سرابــــه


..