يدفع النفس من مكنون الاشواق شوق =لخالد الذكريات اللي بهاك الليال
يوم الاوراق يغريها اليراع الدفوق = العناوين تغريني على الارتجال
يرتحل بي خيال .. وينتشي بي خفوق = حاير ً بين خفاقي وبين الخيال
آه ياحلمي اللي من عناي مخلوق= شارب ً من ظما شهب السنين الطوال
لين ذوب على صدر الحنين العروق =بعد ما ساق عمري بين غربه ولال
كل مالاح لي في هود ليلي بروق=قيل عود وراه البرق واقفى الخيال
طال ليلي .. وشمسي مانوت بالشروق=كل ماقلت قصر الليل يحول طال
غبت في سكرة الترحال وازريت افوق=ومد لي ساقي الحرمان كاس المحال
اكتشفت اني اطرد سمهدان ً سبوق=ونكس الياس راياتي .. وصبري سمال
ما بقا فالمحاجر غير دمع صدوق = والاجابات فيني من عظيم السؤال
فاتني كل شي ولا استطعت اللحوق=ولاتراجعت يومه للتراجع مجال
واسرقتني تماديد الزمان السروق = وذبحتني قصادير السراب .. بتعال
وين مني زمان ًما ذكربه عقوق = منه الابرار مايشكون شح الوصال