http://www.ab33ad.info/up/uploads/im...611dc7faff.jpg

" تحت المطر "

تحت المطرْ كنّا هنا صدفه وجمّعنا القدر
..... بادلتها النظره تحيّه وابْتدى فينا الكلام

قالت هلا جاوبتها اهلن هلا عطر الزهر
...... يامرحبا نورك منوّر وانْجلى كلّ الغمام

وجهك كذا والا القمرْ لا لا أكيد انتي القمرْ
..... لحظه أطالع .. لا حشا ويشَ القمرْ عندك ظلام

ممكن سؤالن ياقمرْ قالت تفضلْ في حذر.
.... اسال ولكن انتبه تسال سؤالن في حرام

جاوبتها لاما تخافي وابشري ياحلى بشر
..... قالت دقيقه لا تبالغ في كلامك ياهُـمام

ماني جميله وانتبه راجع عيونك والنظر
..... قمتَ ابْتسم واهديتها ورده وفيها الاحترام

قلتَ اسْمحيلي اعرفَ اسْمك يارفيقه بالسفر
..... قالت أنا غاده ويكفي يارجلْ شدّ اللجام

قلتَ الحقيقه ياحلو إسمك كذا بالمختصر
..... واسف إذا مني بدر بعضَ الخطا هيّا سلام

قالت دقيقه وانتظر ياصاحبَ القلبَ الخضر
..... ممكن تقولي ياعزيزي قبلما تبدا الخصام

ودّي تعرّفني عليكَ اكْثر إذا مافي كَدر
..... قلّي على إسمك وعمرك والعملْ تكفى قوام

قلتَ ابْشري باللي تبي ( يالله اسْمعي) مني الخبر
..... الاسم ِ شاعر والسكن بيت القصيده والهيام

هايم معَ النجمه وعشقي للحلا جبـْليْ الضرر
..... حتى اذا ماني طعمته اكتفي بالاهتمام

واعمل على نظم القصايد كالنقـِشْ فوق الحجر
..... أكتب شعوري من خيالي أو منَ الواقع تمام

فارس بني قومي ولي مجدن تليدن واشتهر
..... واحفظ عهودي والوفا طبعي ولد ناسن كرام

راجي عفو ربي ومالي في سواليف الخكر
..... هادي ورومانسي وحالي حال ِ نفسي والدوام

قالت برافو ياولد شغلك حلو والله درر
...... قلتَ اصْبري لسّا بزيدك ما خلَصْ لسّا الكلام

ودّي اخليها تخقْ بيني وبينك بالنـُّدَر
...... ودّي أذوّبها ثواني ياحلا صيدَ اليمام

لكن حسافه مارضت قامت وكنْ فيها شرر
..... وانا مكاني جالسن بي دهشتن وسطَ الزحام

قالت كفايه خايفه سحرك دخل فيّا طمر
..... أبعد وكافي ما أبي قلبي رهيّف ما يُلام

خوفي أحبك وابتلي والحبِّ ذا قالو خطر
..... ابعد وخلّي كلّ واحد في حياته ما يضام

ثمْ غادرت عنّي وخلّت عطرها زاكي الأثر
..... ودّعتها والابتسامه في شفاهي والسلام

هيّا كذا ذكرى جميله كلّما الطاري عبر
..... اسرح معاها وابتسم وارجع لحالي في الختام

وســـلامتكم

\
\
احمد بن هادي
شاعر البحور