http://smiles.al-wed.com/smiles/25/10.gif قلبي وروحي والمشاعروالأحساس ياآسري يالي بهرجه فتني يالي خذيت القلب من بدة الناس وش عاد باقي ماخذيتاه مني قلبي وروحي والمشاعروالأحساس شاعرواغني ليك طواريق فني قصايد من دم قلبي بقرطاس آمرتدلل وانقل العلم عني خذ ماتبي من حب ياعذب الأنفاس مني عطا كل العطا دون مني ياماعطيتك بالهوى دون مقياس مثل النجوم الي تسامرك كني اسهر وليلي ماتهنيت بنعاس عاد انت يومك بالبخل ممتحني تبخل بوصلك والمعاليق يباس قلي وش الي يمنعك يامظني عطني معاذيرك وانا اقول لاباس تعال كانك للمواصل تحني كانك على قولك شفوق وحساس ترا المواصل مايجي بالتمني راعي التمني شف مرده للأفلاس خالدالتميمي |
http://smiles.al-wed.com/smiles/25/10.gif ليلة عطر يعيش راسك ياعــطر ليـلة العيد وش تنتظر ماعــــاد للشوق ذمه ماعــادباقي للمــواعيد تجــــديد لمــــلم رذاذك مـــن ثيــــابي ولمـــه عطري تركته في كفوف المواعيد باقي تفاصيله على اطراف كمه سايح من المغرب على راحة الأيد ينــطرحبيب في كــفوفه يضمه طال انتظارالصبر والياس عــربيد كســر مــواعيد الغـــرام المــهمه والليـل شـاخ وغـيرته التــجاعيد لمــــلم بقــــاي ظلمتــه في معــمه وانابرجوا باقي الليـــــل تمديد يمكن وليف الروح وعده يتمه يمكن يجي من زايرالشوق توكيد واعاتبه بشويش وابكي واخمه واقول عطري مات ياسيدالغيد بين الكـفوف الوافيــة سال دمه طاح وتبدد بين الأشواق تبديد صـــوته من العــبرة تعثـــر بفمه تعال صاب العطرغربة وتشريد اجمع غلاك وصادق الــود سمه وان كان عشق العطر في قلبك يزيد صافح عبيره والغلا لاتكمه وش فايدة عطر تشمه من بعيد رشه على راحت يدينك وشمه خالدالتميمي |
http://smiles.al-wed.com/smiles/25/121.gif الوطن غالي وللوطن هذه القصيدة وهي اقل مايقدم يالراية الخضراء ونخلة وسيفين ياكلمة التوحيد فوق الغمايم يادارنا يامنبع العز والدين دارالسعود الي بها العدل قايم رفرف علمهافوق كل الميادين غصب على الحسادواهل العمايم يالمملكة جعلك على العزتبقين في عهد ابومتعب قوي العزايم وابوفهدسلمان حكمة وتبيين النادرالي يتبع الحق دايم واحمدعيون الأمن والناس غافين يسهروكل من رعاياه نايم حكامنا الي للمعادي عنيدين في حزة فيها لزوم ولزايم هم لحفنا عن ليلة بردهاشين صارواذراناعن هبوب السمايم قدقالهاعود توفى من سنين بالله ثم الشعب نبني دعايم واليوم ابدعي للوطن قولوا آمين بدعي وانا لله ساجدوصايم احفظ وطناعن جميع الحسودين والخاين الدجال واهل النمايم واختامهاواعداد نبت البساتين صلوا على المختارماحام حايم http://smiles.al-wed.com/smiles/25/pen.gif خااالدالتميمي |
على حافة رصيف الذاكرة وقفتاناجيها وهي في عالم النسيان تتمشى على سورة تلاشت عن سما شوفي ظلام البعد كاسيها يمرابها السحاب وتحتمي به خوف مذعورة سرى بي هاجس الذكرى على انغام ماضيها يذكرني اغاني شوقها بالحان مهجورة اناديها ويرجع لي صدى صوتي واناديها اخاف اتهزها ريح الجفا وطيح مكسورة اخاف الي يضحكها يعود يوم يبكيها وانا ما احبها تبكي دموع الوجد مقهورة ابيها تلتفت يمي تحاكيني واحاكيها عساها من ملامح نظرتي تسترجع الصورة بذكرها زمان فات اخاف الوقت منسيها ابيها تذكر عهود الغلا وتجدد عصوره ابيها عن سنين التيه تتوقف خطاويها ولاتطرد سراب احلامها وتصير مغرورة ابيها ترجع لواقع غلاي الي يقديها ولا ابيها تصير لغابة الاوهام مأسورة الا وان كانها فاقت وخلتني امانيها عهد مني لاخليها تعيش العمر مسرورة والبس راسها تاج الغلا والحـب واهديها ورود من بساتين الغرام العـذب وزهـوره خااالدالتميمي |
http://smiles.al-wed.com/smiles/25/399.gif الرحيل http://www.vb.fadhaa.com/attachment....3&d=1288600607 على رحلة شوامخ عزتي يم الفضا رحـال مدام ان الفضا واسع وصدر الكون يحويني ابرحل والفجوج الواسعة تستهوي الرجال ابرحل دامها ضاقت مساحات الأملفيني ابرحل وانت ياقلبي تعال وعانق الترحال تعال وخلنا نبعد ولانترك عناويني تعال نسابق الخطوة ولو ان الدروب طوال مدام ان الثمن عزة ولا غيرك يخاويني الا ياقلبي قعودك تحت شمس الهجير هبـال تظلل عزتك وارحل وخل يديـك بيدينـي تعال نخاوي الغربة ونسكنها براحـة بـال ترى خوتك ياقلبي عـن العالـم تكفينـي خالدالتميمي |
خالدالتميمي |
آخر سطــــــر ياغريـب زارنـي حـزة مسايـا ياسكـون الليـل ياحب وبحر استبحت الدار واحرقـت السبايـا رحت تعبـث بالهدايـا والصـور اترك البرواز حطمـت الزوايـا انحنـى التذكـار فيهـا وانكسـر مابقى للطيف في وسـط المرايـا غير رسم فـي خيالـي يحتضـر والرفوف الي تخلت عـن هوايـا اقبلـت تنهـار والصبـر انتحـر كيف مات الشوق في جوف الهدايا والهدايا تحتضـن احلـى عطـر مانشدت الغيم عن سبـة شقايـا؟ ليلـة ظلمـى ولا فيهـا قـمـر الستاير تـروي فصـول الروايـا اسأل الشباك عن صـدق الخبـر لو حكيت السالفـة بيـن الشفايـا ذابت البسمة علـى كـف العـذر مابقى لـي مـن حكايتهـا بقايـا يمكن الي اذكـره آخـر سطـر خالدالتميمي |
http://smiles.al-wed.com/smiles/60/qatar.gif http://smiles.al-wed.com/smiles/25/wed03.gif الله يحييكم عشاااق الشعر ومحبي القصيد معي في رحلة الى عالم الغربة الجميل حيث البعد عن الضجيج والضوضاء المزعجة وعن الفضووول المتعب ومن عالم لا يعرف العطاااء ويريد المزيد فعلا عالم غريب وناس اغرب 00 اليكم القصيدة والمعذرة لولم تلقى القبووووووول ولكم الشكرمقدما0 يامـهاجـر للفـضا والبـعد والــغربة سـمـاك انتظرني معك ابرحل عن مـدى العالم بعيد لاتسافر عـن خـفوقي خـلني اسـري مـعاك خلني اجمع بقايا الشـعر وحروف القصيد خلني اترك طروق الحـزن وابيـات الهـلاك وانتشل حـلو الأغاني وانقـذالحــان النشيـد وانتـظرني بجـمع اشـتات الأماني في رداك واحـزم همـومي حـقائب مابـقى فيـني مــزيد خذعطاالأشواق فيني واحتضنهافي دفاك لاهب الأشواق غـطه عن مساحات الجليد لاتخــليني تــراني احــتري دقــة خــطاك ودي ارحـــل يامخــاويني عـن عيـــون الــعبيــد لاضواك اللـيل خذني بـس لا يدري مسـاك غـطني عـن لحــظـة التــوديع والدمــع العنيـــد وان لمحـت الــحب عيـا خــل يدفعـني هــواك لاتطيــع الــوجد والآهـات والـحزن الأكيد خـلني اسكن وجـودك واتعمـق في فضاك ودي اتغـرب واهـاجــرخذني لعــالم جـديد غـربة الأوطان ارحم من وجود ماعطاك كان تبـغـاها سـلامة ابـعـد وخـلك وحيــد بقلمي خاااالدالتميمي |
http://smiles.al-wed.com/smiles/60/17ert.gif http://smiles.al-wed.com/smiles/25/8.gif اكيد نفرح بالعطلة ومن اكثر الأشياااء المفرحة فيها السفر وصحيح ان السفر متعة والوااااحد يستااانس في السفر والرحلاااات واكيد فيه فوااائد كثيرة يتعلمها المسااافر وكثير من يفرح ويسعده السفر وطااريه لكن قد يكون السفر سبب لتعاسة البعض وضيقة صدره وممكن يتعب كثيرمنه والمقصووود اذا كان الشخص الي تعشقه وتحبه وتغليه رااااح يسااافر ويتركك رااااح تكره الأجااازة عشااانك بتفااارق احباااابك والمشكلة الكبرى لو خذتهم الونااسة ونسووووووك وهذي القصيدة يمكن تلاااامس قلووووب الكثير منا وتحكي عن تعب الأجااااازة ان شاااء الله تلااااقي قبووولكم وتناال اعجااابكم واعذروني على الاطااااالة 0 البـارحة قـامـت تــوادعــني عــلى نيــة ســفـر قــالت تـرا بـكره نـبـي نمشـــي برحــلة ممتـعـه يـاليتــها يـــوم (ن) نـــوت مــاعــلمتـني بـالخــــبر ضاقـت علي الأمكـنـة ياخاطري وين السعه سكت لحظة ماحكيت الي حكى بس النظر غـصت بي الكلمة وعيني غــارقة في مـدمعه حـاولت اقـوي مـن عـزومي واتحـلى بـالصـبر تلـعثـم بـفـمي حكي صــرت الـكلام اضـيعه هـديت مـن روع الخـفـوق بـورد وآيـات وذكر الــيـن جـمـعـت الكـــلام الــي ابيــها تسمعه كلـمتــها والبـحة الــي فــي كــلامي تحتــضر عـاتبـتها ليه السفـر؟حـاولــت ابيــها تمنـعه قـالت وفي نبرة حــزن مالي على اهـلي امـر ومن الـقهـر حتى انـامـعهم جمعت الأمــتعه صارت تعذر والغـلا في خافقي ماله عذر مـااظـن للـقـلب المتـيـم اي عذر يـقـنــعه جـاوبتها ياراحـلة ماعاد ابي بعدك عمر عمري وجودك والهوى قطع حبال الأشرعه لاتتركـي قــصة هـوانـا في غيـابك تنتـحر سوالـف الغيـاب للـقـلب المـولـع موجـعه في وقت تنوين الرحيل تراحياتي في خطر قـلب يبـي قـربك تـراه يموت يـوم تـودعه خاالدالتميمي |
http://www.lamst-a.net/upfiles/Gca41093.jpg
لي نافذة تفتح على جو بحري نسيمها يغري على البوح وابوح شباكها يكشف مساحات فكري وتبين صورة عاشق الصمت بوضوح بروازها منحوت باسرار عمري والوانها تحكي روايات مجروح قزازها يعكس عناوين شعري صوت القصايد من عنا الوقت مبحوح رسامهافي رسم الأحزان خبري فنان في نسخ المواجع على اللوح اقلام تلوينه من ضلوع صدري تنزل مدامعها على خد مجروح علقتها في معرض البوح وادري صورة ولكن كن في جوفها روح خلدت بالصورة مقامي وقدري وخليت باب الود للناس مفتوح ياعاشق الصورة تأخرت بدري؟! فرصة ولا اظن الفرص دايم تلوح من رادها يقبل من القلب عذري خله يسامحني وانا اقول مسموح خالدالتميمي |
الساعة الآن 03:29 AM. |